كان بدرى عليك الموت يا ضنا
من ضنا خلاك..فى كفن ملفوف
كان بدرى عليك الخوف..
و الخنقه فى قلب تراب..
و دموع فى عنيك
كان بدرى دخولك جوه القبر..
بدون والديك
ومفيش و لا نية لحاجه لديك
وما زال الديك..
على سطحك..
لسه بيبكى سقوطك جوه دماك
وما زلنا فى كل مكان ننعيك
وما زلنا بنبكى وسايبين ليك..
القله بتسقع ع الشباك
يمكن يا حبيب القلب تعود
حطيت على قبرك دمعه..
فى وسط بكاء وورود
و ما عادشى خلاص..
لضمير العالم أى وجود
ربك موجود..
قادر على إنه يجيبلك تارك..
م القتال
و يجيب لأبوك و لأمك..
صبر إلهى و راحة بال
و ترفرف رايتك..
فوق الجبل العالى و فوق..
كل الأبراج
أنا جى أزورك..
جايب ليك يا ضنايا التاج
لكن هادخلك بس ازاي
قبرك..مش عارف ليه..
فى ملامحه بيشبه أجمل ناى
باسمعه مع صوتك..
وانت بتدفع فينا..
تمللى نقوم م النوم
ونجيد العوم.. جوه الأمواج
بصراحه فى قلبى طوفان إحراج
من إنى تركتك لاجل تكون..
محسوب يا حبيبى من الأموات
مدفون فى سكات
نايم فى سكات
وحياتك.. بكره لا أزورك..
لأجل نكمل فى الحواديت
واكتبلك آخر غنوة موت
أنا آخر مره أقوم بزيارتك..
شفت القبر دموع.. وشموع..
مع شجرة توت
والله مفيش فى الدنيا قبور..
غير قبرك..
تسمع فيه
رابط دائم: