رئيس مجلس الادارة

عبدالمحسن سلامة

رئيس التحرير

علاء ثابت

رئيس التحرير

علاء ثابت

متهزنيش

عبداللطيف مبارك

رُطبى خلاص مبقاش لُه طعم

جَردت ريح المسافة.. والمطر

وقت اشتهائي

أبعد وألاقي

نُصى لسّاه م أرتوي

لسه إللى باقي

من عيونك

من شفايفك

ملمحك

قَدِك ف توب السيسبان

أخرج من الجنه الفراغ

قبل الأوان

أخرج ف توب الديدبان

حارس لحلمى المُنتهي

يا كلمتين يتنططوا جوّه الحشا

واخدين حرامك ف الحلال

أجوبه عاوزه السؤال

متهزنيش

رطبى خلاص مبقاش لُه طعم

فالحلم لسّه نزيف على جبين الشوارع

مرقدي

بين اللهيب راميه القبيله جتتي

لمّا نويت آخد رقاب كل الصنم

مكنتش بارده النار على صهد القدم

صوتى إللى شاع سر الملك

بين الرعيّه الطيبين

صوتى الحزين

ينده لتوب الحق

لجل يكفنه

م ت ه ز ن ى ش



سقف البيوت

بيطُل من شباك قلوبنا

ويخطى للسكك إللى شاربه

من نبعها الحواديت

على ألف مدنى تبتهل

وألوف حناجر صدها

سقف البيوت

لسّه نحيبها يضمُها

ويلمها

مليون دُعا

إلا فما وسعت

وإنت إللى زاهد جوّه سجنك تنتظر

رمق الضيا

لجلن يداعب جبهتك

حبلك الُسُرى م بينك

والوطن

عارفك بتغلب دمعتك

وتشق سدرك للمدن

لجلن م تدخلها حياة

خاليه من الضلمه الكئيبه الملصقه

على كل جدران هدها

شبح السكوت

دى ألوف حناجر صدها

سقف البيوت.

رابط دائم: 
 
 
 
 
 
اضف تعليقك
البريد الالكترونى
 
الاسم
 
عنوان التعليق
 
التعليق