رئيس مجلس الادارة

عبدالمحسن سلامة

رئيس التحرير

علاء ثابت

رئيس التحرير

علاء ثابت

قلبى دق

جمعة أبو النيل;

قلبى دق دقتين

عاش معاهم قصتين

قصة فى الحب القديم

اللى انا عرفته زمان

بعدما فات الأوان

جانى حاسس بالهوان

قالى ده مالهوش أمان

مع كل قلب يعيش يومين

وبيفتكرنى فين وفين

الهجر عنده طبع فيه

أما الوفا أنا مش لاقيه

حتى الدفا ف القرب منه

شىء بعيد

بإختصار أنا مش سعيد

ده قلب ده واللا حديد

ده دم ده واللا جليد

أديله كل الحب ده

وبرضه ويايا عنيد

قلبى م القصة اللى عاشها

كان شريد

خدت قلبى بين ضلوعى

قلت له إكتم دموعى

خليك يا قلبى تحت طوعى

خليك شديد

ماتكسركشى التجربة

قلب كان خاين وراح

وأنت قدامك براح

ح تقابل القلب اللي

يبقى زى ضلك

لو كل الناس باعوك

تلقاه فاضلك

عمره ما ح يسلاك

أو يوم يملك

لو غلط فى يوم

راح يتنازلك

ح يحبك الحب اللى

ياما حلمت بيه

وح يشتريك وح تشتريه

وبعد ما قلبى إنكوى

ووصفت له فين الدوا

دق قلبى تانى دقة

قلت له يا قلبى حاسب

قبل ما تقول أيوه يا لأه

قالى طاوعنى النوبادي

دقتى دقة حنين

ح أنسى بيها جرح عشته من سنين

وأفرح وأعيش

زى كل العاشقين

زى كل العاشقين

رابط دائم: 
 
 
 
 
 
اضف تعليقك
البريد الالكترونى
 
الاسم
 
عنوان التعليق
 
التعليق