السيسى يحقق أحلام سائقة التروسيكل

أشاد الرئيس عبد الفتاح السيسى، بقصة كفاح سيدة تدعى ناهد، تعمل سائقة على تروسيكل، وتربى 5 فتيات، والتى عرضتها إحدى القنوات الفضائية أمس، حيث وعد الرئيس خلال مداخلته بالبرنامج بتوفير وتلبية كل احتياجاتها.ووجه الرئيس السيسى رسالة إلى السيدة «ناهد» قائلا: «مينفعش تبقى بتجرى عليهم كدة واحنا قاعدين نتفرج، ربنا يديها الصحة، الفتيات دول محتاجين رعاية، عشان بعد كده هيبقوا 5 أُسر، هندبر كل اللى هى عاوزاه، وتستحقى كل خير، وكل ست تعمل كده تاج على راسنا كلنا، وتشرفنا، أنا عاوز أقول النقطة دى، أحترم جدا الست المصرية».

وتابع: «كل ست أنا مش شايفها، بقول للمسئولين فى المحافظة والمحليات، خلوا بالكم من أهلكم، خلوا بالكم من الست، الست دى عرض، وإحنا مسئولين عنها، اللى بطوله بعمله، فيه ناس مش بطولها، فبقول للمسئولين اتعاملوا أو تقولولى وأنا أعمل»، موجهًا شكره لأسرة البرنامج على عرضهم مثل هذه النماذج.

وطالب الرئيس الإعلاميين بإظهار قيمة الأم، قائلا: «والله أنا باتمنى أعمل كل حاجة حلوة لمصر، خاصة للناس اللى ظروفها صعبة، زى المثال ده، ومنه كتير فى مصر.. إحنا بلد ظروفنا كده، إحنا دولة مش غنية، بس على الأقل يبقى بقلوبنا وإرادتنا على قد ما ربنا يقدرنا». وواصل: «أوجه التحية على الجهد العظيم ده، وبالمناسبة ياريت نفضل الأمثلة دى تبقى على طول موجودة، أنا بشكركم، وأرجو أنكم تبلغوا الأستاذة ناهد كل اللى أنت عوزاه هيتحقق». وكانت ناهد جمال سعيد، صاحبة تروسيكل، قد روت قصة كفاحها، حيث ذكرت أنها تعيش فى منطقة أوسيم بالجيزة، وزوجها يعيش فى ظروف خارجة عن إرادته، ولديها 5 بنات، حيث كان يعمل «سايس» وحدثت معه مشكلة ولم يبق معها حاليا، ثم قررت شراء «تروسيكل» للعمل عليه.