اتعلم حروف الحب...
أنا حساها بالملى
بكون منك فاكون منى وكلمنى
وحسسنى فى يوم بالقرب
معاند ليه
على حالك بقولهالك
أنا وياك وفردالك جناح الشوق
انا راسمه حروف الحب تشوف اسمك على كفى
وجوا القلب تكونلى النبض فيحلالى معاك السهد
فى أول درس ويانا يكون الباء بحب النظرة دى فى عينيك
وتقديرك يكون واضح ده فى الننى
وأنا عمرى ما اشوف فى الدنيا دى غيرك
هنتعلم أنا وانت حروف الحب
فكون جاهز لأى سؤال يكون فى الحال
وهطلب رد فلازم القى تقريرك
بشوف الدنيا بعيونك وبلمس شوق بيهمسلى
وأنا حاسه حنين ايدك
سواد الليل بيتلون بحسك
طيف بتتكون فتظهر والضياء نورك
بكون صوتك وبتهجى حروف اسمك
بتتمايل نجوم الليل على رسمك
فيتجلى غرام قلبك وتحلالى دموع عينى تكون فى السهد ابقالى
أنا عاشقه تفاصيلك وبالتحديد سواد عينك
يدوبنى فى أحضانك
انا بهواك وكل العمر انا وهباك
فاكون للقلب دقاته وكمل باقى كلماته
وتانى درس هنقوله بحرف الحاء
حنين غايب واخدنى معاك تقول دايب
وانا بشتاق
وباء بعيونك اطمن معدش فراق
وكاف والعشق كان طايف ينادى هناك
وانا رديت وخدت فى إيدى إحساسك وكنت التاج على راسك
وبعد التوهة والترحال تكون انت معلم
قلبى يعيش إزاى بأوصافك
واقولك حاجة من قلبى محدش مرة علمنى اعيش ازاى
أنا بدونك لانك كنت جوايا
معلمنى احسك حتى وانت بعيد
تكون تنهيدة بتجدد فى أفراحى
وأعيش العمر بحروفك.
أنا عشقاك.
رابط دائم: