الشنطة القماش

یاعیون حبیبتى

یارسول الأسئلة

استسمحك لماتزورینى

ما تخافیش من ننى عینى

استسمحك

تندهى الحالم معاكى

طیرى فیهم هواكى

واندهى قلبى الصغیر

م الحوارى الضیقة

اندهى الشنطة القماش

وارتعاش الإندهاش

واسألى اللیل اللى عدى

استخبى فین بظلمه

اندهى حوادیت جارتنا

فوق خدود المصطبةواسألى الشیخ اللى علمنى الكتاب

اسألیه

ازاى حفظت

ازاى نسیت

واسألى القمر اللى تایه فوق شطوط اسكندریة

اسألى همى اللى طالع م الحساب

واندهى بالكلمة اللى غنتها یوماتى

فى نشید المدرسة

اندهى صمت اللیالى

بین حیطان الضلمة وكفوف الأسى

اندهى االب اللى مات من غیر ما اشوفه

اندهى الألم اللى عایشة ف السكات

اندهى سكك الخسارة

وانتحار الشعر فوق عضم التجارة

اندهى رطن الحمام

اندهى حزن الغالبة

اندهى وجع الكتابة

اندهى كل اللى فات

یمكن

تالقى

الأجوبة

یمكن