رئيس مجلس الادارة

عبدالمحسن سلامة

رئيس التحرير

علاء ثابت

رئيس التحرير

علاء ثابت

آن الأوان

سيد حجاب .. 2011

آن الأوان بقى نبقى أحرار بجدّ

وناس ولاد ناس بجدّ

وولاد بلد جمالها مالهش حدّ

وجميلها على كل حدّ

وولاد حلال لأغلى والد وجَدّ

خلاص بقى.. خلصنا م اللى استبدّ

وأى فرعون مستبد استجد

لا بد ما نقطع ديوله.. والحقوق تُسترد

نظرنا بقى أقوى وأشد وأحَد

نشوف بعين الحلم والعلم الزمان اللى جَد

ّوآن الأوان بقى نبقى أحرار بجدّ

..............

آن الأوان من النهارده نبقى أحرار بجدّ

وماحد فينا يدوس على حق حدّ

ولا أى يد تحط فى طريقنا سدّ

ولا أى سد يحط لخيالنا حدّ

ولا أى حد يصد فكر استجدّ

ولا خلاف ولا شدّ

بين اللى بيصليها جمعة واللى صلاها حدّ

الكل إخوة أمس واليوم وغَدّ

وانا مصري.. وانت مصرى أصلى وتمَام

أولاد حلال.. لامشينا يوم فى الحرام

ولا فى الخطية عشنا.. وضميرنا نام

وانا مصرى دى مش بس حبة كلام

ولا ميراث أجداد فى كام ألف عام

لكن حقيقة وحلم يِضْوى الضلام

وعشق للحق وسماحة وعَلام

وإبداعات.. ومعجزات شغل يد

وآن الأوان بقى نبقى أحرار بجدّ

رابط دائم: 
 
 
 
 
 
اضف تعليقك
البريد الالكترونى
 
الاسم
 
عنوان التعليق
 
التعليق