رئيس مجلس الادارة

عبدالمحسن سلامة

رئيس التحرير

علاء ثابت

رئيس التحرير

علاء ثابت

ناصر

عدسة إميل كرم

ناصر .. ناصر .. ناصر .. ناصر ..ناصر

حِلْم فْ ضَمير الزمنْ وحلمنا بيه من زمان لمّا محمد على ورِفاعة نزْلوُا المِيدَان..!

وجيل ورا جيل أضافوا إليه كمان .. وكمان ومن عُرابى لسعد ..الحلم طاب ع العِيدانْ

حلم بوطن مستنير

نبنيه بحب وضمير

ووْلادُه سواسِيَّه فيه والعَقْل أعْدَل ميزان

............................

فينَك يا حلم الزمن ؟ يا حلم والله زمان! ............................

يا أمة الحق .. ليه هُنَّا ؟! وفين صِرْنَا؟! عصر الشرا ..وْلافْترا..والقَهْر عَاصِرْناَ!!

والليل محاصرنا ..وانحلِّت أواصرنا ! أعداءنا زرعوا لَنا شوكة فى خَواصِرْنا !!

وسَفّوا خيرنا ..ولفوا ضميرنا فى الأكفان

............................

فينَك يا حلم الزمن ؟ يا حلم والله زمان! ............................

ولى زمان الهزيمة وجاىّ عصر النصر يا أُمّة ..قومى من الغُمّة ..زمانّنا جاىْ

نصر العروبة اكتمال مجده ف عروبة مصر وحلم ناصر يفكرنا ف زمن نسَّاى

............................

يا أمة الخير زماننا الجاىّ خير وأمان ............................

فينَك يا حلم الزمن ؟ يا حلم والله زمان! ............................

ناصر .. ناصر .. ناصر .. ناصر ..ناصر ..ناصر > أغنية كتبها الشاعر الراحل سيد حجاب لتتر مسلسل «ناصر» ، ولكنها لم تر النور .

رابط دائم: 
 
 
 
 
 
اضف تعليقك
البريد الالكترونى
 
الاسم
 
عنوان التعليق
 
التعليق