رئيس مجلس الادارة

أحمد السيد النجار

رئيس التحرير

محمد عبد الهادي علام

رئيس التحرير

محمد عبد الهادي علام

من «على اسم مصر» لصلاح جاهين

صلاح جاهين
النخل فى العالى والنيل ماشى طوالي معـكـوسـة فـيه الصـور .. مقـلوبة

وانا مالى

يـاولاد انـا ف حـالـي

زى النقـش فى العواميد

زى الـهـلال اللـى فــوق مـدنة بنـوها عبـيد

وزى بـاقى العـبـيد باجـرى عـلى عيـالــي

بـاجـرى وخـطـوى وئـيـد من تقل أحـمالي

محنـية قـامـتى .. وهـامتـي

كـأن فيـها حديد

وعيـنـيا رمـل العـريـش فيـها

ومـلح رشيد

لكـنى بافـتـحها زى اللـى اتـولـدت جـديـد

على إسم مصر



مصر .. التلات احرف الساكنة

اللى شاحنة ضجيج

زوم الـهـوا وطـقـش مـوج البـحـر

لما يهيج

وعجيـج حـوافـر خـيـول بتجـر زغروطـة

حـزمـة نغم صعب

داخـلة مسامـعى مقروطـة

فى مسـامى مضغوطـة

مـع دمـى لها تعاريـج

تـرع وقـنـوات سـقت من جسـمى كل نسـيج

وجمـيع خيـوط النسـيج

عـلى نبـرة مربوطـة

أسمـعها مهـموسـة ولا اسمـعـها مشخـوطـة

شبـكة رادار قلـبى جـوه ضلـوعى مظبوطـة

على إسم مصر



وتـرن مـن تـانى نفـس النبـرة فى ودانــي

ومـؤشـر الفـرحـة

يـتـحرك فـى وجـدانـي

واغـانـى واحـشانـى بـاتذكرهـا

ما لهاش عد

فيه شيء حصـل أو بيحـصل

أوح يحـصل جـد

أو ربـمـا الأمـر حـالــة وجـد واخـدانـى

انـا اللـى يـامـا الهـوى جـابنـى وودانــي

وكـلام عـلى لسـانـى جـانـى لابـد اقوله لحد

القمـح لـيـه اسـمـه قمـح

اليـوم وأمس وغد

ومـصـر يـحـرم عليـها .. والجـدال يشـتـد

على إسم مصر



ولما زمانى رمانى عليل

نسيت كل شيء عن حبيـبى الجميل

لكن هو أبـدا

انا مانساهوش

نسيت مشيته وصوته كان شكـله إيه

ورسمة شفايـفه

ولمـسة إيديـه

نسيت نظـراته

نسيت لون عينيه

وقوس الحـواجب وسهـم الرموش

لكن هو أبــدا

انا ما انساهوش

نسيت اسمه وحكايـته وعرفـته فين

وعشنا سوى العمر والا يومـين

وكان م البشر والا طير بجناحين

نسيت حتى كان له وجود أو مالوش

لكين هو ابـداً .. أنا ما انساهوش



قطـعوا الأغـانـى وطـارت نشـرة الأخـبـار

دارت عـلى كـل دار فـى الكـوكـب الــدوار

يـا حاضـرين اعلـموا الغايبـين

بأنـه فى مصر

اتغـير الاسـم منـذ الآن فأصـبـح .. مصــر

ضـحك التاريـخ ضحكـته المشهـور بها واندار

ودخـل مناقـشة مـع الجـغرافـيا

عـما صـار

هـل نعـترف بالبـيـان اللـى أذيـع العـصـر

أم ننـتـظر مصـر تـطـرد اسرائـيل بالقسـر

وسـاعتـها تحـصل بكـل جـدارة

يـوم النصر

على إسم مصر



عـلى اسـم مصـر التـاريـخ يقدر يقول ما شاء

أنـا مصـر عنـدى

أحـب وأجـمـل الأشـيـاء

بـاحبـها وهـى مالـكة الأرض

شـرق وغـرب

وبـاحـبها وهـى مـرمـيـة جـريحـة حـرب

بـاحبـها بعـنـف

وبـرقـة وعـلى استـحيـاء

واكـرهـهـا والـعـن أبوهـا

بعـشق زى الداء

واسيـبها واطفـش فى درب

وتبـقى هى ف درب

وتلـتـفـت تـلقـيـنى جنـبـها فـى الكـرب

والنبـض ينفـض عروقـي

بألف نغـمة وضرب

على إسم مصر

رابط دائم: 
 
 
 
 
 
اضف تعليقك
البريد الالكترونى
 
الاسم
 
عنوان التعليق
 
التعليق
  • 1
    دكتور كمال
    2017/02/08 12:44
    0-
    2+

    هذا هو الشعر
    رائعة من روائع صلاح جاهين : مصري اصيل و عاشت مصر
    البريد الالكترونى
     
    الاسم
     
    عنوان التعليق
     
    التعليق