رئيس مجلس الادارة

أحمد السيد النجار

رئيس التحرير

محمد عبد الهادي علام

رئيس التحرير

محمد عبد الهادي علام

الكنيسة البطرسية

شـــعر: محمد بهجت - عدسة: نادر أسامة ومصطفى عميرة
تــبـاركـت يـا ربنا فى الســمــاء وصل و سـلم على المـصطفى فى يوم مولد الرحمة سالت دماء ويا عدرا ليه نـور حـياتنا انطفى.

عشــان فكر بنّا بيهدم مابيننا

ويـقـتـل ولادنا ويحـرق وطـننا

ولا يقيم فريضة ولا بيحيى سُنّة

ولا يعـرف الا الجـحـود والجـفـا

عشــان حلم شــاطر بلقمة طرية

يعيد الخــلافــة الكـنافة الشــهية

وترجــع بلدنا تـكـيّة و وسّية

يبيعها فى سوق الرقيق فى الخفا

عشان شيخ وصولى وساكن قطر

وعــامــل أصــولى وهـوّ الخــطر

وصـبحــت جــماعة مغول أو تتر

وضاع الإيمان والضــمير اختفى

وحـبـّارة اللى القـضـا جّـرمُـه

وقرر أخــــيرا خلاص يعدمه

بقى رمز ليهم ألـوف تـدعـمُه

وياما عـــقول ضــالة متخلفة

فى مصر احنا عشنا آلاف السـنين

بنـزرع ونــبنى ولا نهـد ديــن

ونخــتم دعــانــا جــميعا آمـــين

ولقـمتنا واحـدة بصـحة وشــفا

بنينا الكنايس فى حضن المساجد

وصمنا و فطرنا فى نفس الموائد

خلطنا الفَرَح و الدموع و الموالد

وهانـعـيش مــا بيننا محــبة ودفا

تــبـاركـت يـا ربنا فى الســمــاء

وصل و سـلم على المـصطفى

رابط دائم: 
 
 
 
 
 
اضف تعليقك
البريد الالكترونى
 
الاسم
 
عنوان التعليق
 
التعليق