رئيس مجلس الادارة

أحمد السيد النجار

رئيس التحرير

محمد عبد الهادي علام

رئيس التحرير

محمد عبد الهادي علام

بمناسبة مرور 140 سنة على تأسيس الأهرام

شعر: محمد بهجت

محررين .. عمال طباعة

رسامين ومصورين

كل طبعة وكل ساعة

ألف حدوتة وحنين

عشنا في الأهرام حياتنا

هوّ بيتنا وذكرياتنا

هوّ صرختنا وسكاتنا

وضهرنا.. لوكنا مين

السنين بتفوت علينا

وهو أقوي من السنين

**

من سليم وبشارة تقلا

عصر هيكل يعني نقلة

اسم عالي وبكرة أعلي

بالقلوب المخلصين

**

برج في الأهرام قديم

اسـمه توفـيق الحـكـيم

فيه قعد إحسان و بهجت

مع أنيس وصلاح جاهين

**

ولنجيب محفوظ حكاوي

ولنجـيب المـسـتكـاوي

مصطفي محمود يداوي

والسباعي يموت حزين

**

صوت المرأة حر و صادق

مــي زيادة وبنت الشاطئ

آمـال بكير وسـناء البيسي

ليهم قــراء بالمــــلايين

**

موش خبر هوّ ومقالة

كل كلمة فيه رسالة

كل صورة بتحكي حالة

رصد موضوعي وأمين

**

جيل بيبني وجيل يطوّر

جيل يعّلِم .. جيل ينَوّر

جيل يثور علشان يغيّر

و احنا بنعّجِز ونكبَر

وانت لسة زرع أخضر

وانت لسة شباب صغيّر

عمره مية وأربعين

السنين بتفوت علينا

وانت أقوي من السنين

رابط دائم: 
 
 
 
 
 
اضف تعليقك
البريد الالكترونى
 
الاسم
 
عنوان التعليق
 
التعليق