رئيس مجلس الادارة

أحمد السيد النجار

رئيس التحرير

محمد عبد الهادي علام

رئيس التحرير

محمد عبد الهادي علام

خواطر ..عن حرب أكتوبر

بعد النكسة إتلم الشعب يبنى فى جيشه عشان الحرب

و قعدنا أيام و سنين

نستنى الموعد بحنين

و نجهز جيشنا الجرار

بعزيمه و قوة و إصرار

لازم ترجع كل الأرض

دى شرفنا و أكترمن العرض

مصر عزيزة وهى حياتنا

فى سبيلها نضحى وبذاتنا

و بدأنا حرب استنزاف

و فى لحظة دقيقة ومحسومة

أكتوبر كان شهر خيالى

بيوافقه رمضان الغالى

و جنودنا بعزيمة وإيمان

صايمين بيحاربوا فى رمضان

و بدأنا أولى ضرباتنا

لاسترجاع عزة كرامتنا

و الطيران فجر ف مواقع

بحقيقة كبيرة و بواقع

والبحر عبرناه بقوارب

ببسالة جندى و محارب

و فتحنا سواتر ترابية

بسواعد وإرادة مصرية

كانو بيقولوا بارليف إسطورة

قدامنا بقى رسمه فى صورة

حطمناه بقوة وجبارة

و ضربنا فى كل الجبهات

حققنا فيها بطولات

ضحينا و بكل شهامة

و أخدنا أرضنا بكرامة

وفى ست ساعات جبنا النصر

بجدارة مشهودة لمصر

و رفعنا راسك يا بلادى

أصلك أمى و أم ولادى

عايشين جواكى و حواليكى

دم شهيدك يرخص ليكى

يفديكى و دايماً يحميكى

أنا مصرى و بفخر كمان

و بلادى مهبط أديان

و مذكوره فى آيات القرآن

رابط دائم: 
 
 
 
 
 
اضف تعليقك
البريد الالكترونى
 
الاسم
 
عنوان التعليق
 
التعليق