كلاكيع
وحاجات بتضيع
ف الحلم لسه رضيع
مين اللى ح يبيع
قلبي الوديع
شايل ربيع الكون
... ومبحر للشمال
سايب رمال البيوت
ع التوت
وكأنه كان منحوت
على درفتين فوق تابوت
على غنوة بنت هفتانه
وف سكة اللى يفوت
الفين وجع
الحلم كان سكة طمع
لحظه ورجع
ومابين صفار الشمس
غنوة سكتك تايه
ف براح
مليان جراح
وقلب شايل سكتك
وكلام مباح
شوية فضفضه
حدوته ماصخه
بتتوصف ... قبل الحديت
مايموت
الحلم غنوة عنكبوت
وخيال مآته ... عل السباته
طب تاتا .... تاتا
على حلمنا ياخيال مآته
بيت هوس على كوم
حتاته ....
ياروح بترمح م البيوت
ساعة ما افوت
كلا كيع ورق
على حب توت
وان جه خيالى يرسمك
لحظة ما توت المغربيه
يوصفك ... حلم ف تابوت
مش كان ح يبقي لسكتك
احلام تموت
ارمينى صوت
وانسينى لما افتكر
حضن البيوت
او غنوه طالعه م السما
رغم إنما .... رافض اموت