عمنا رمضان واقف ع الباب بيشاور وينادى الأحباب جايب فوانيس وبلح فى الكيس
وأعز وأعلى وأغلى كتاب هو القرآن .. عمنا رمضان هل هلالك والله صحيح اشتقنا لك
ممكن تصاحبنا على عيالك فرحة وبركة وفضل وغفران.
عمنا رمضان احكى الحكايات
واوصف أيام الإنتصارات
يوم بدر ويوم عشرة بالذات
لما هزمنا جيش العدوان
..
فى المغرب وياك متواعدين
نفطر ونحلى بقمر الدين
جبتو الفوانيس طب ليه قاعدين
ما نقوم ونسَّحَر كل مكان
..
حاندور ونلف نصحى الناس
ونصحصح جواها الإحساس
يا هلال الخير لقمر ونّاس
كلنا بنحبك يا رمضان