رئيس مجلس الادارة

عبدالمحسن سلامة

رئيس التحرير

علاء ثابت

رئيس التحرير

علاء ثابت

يمكن نشوف بكره

نبيل مصيلحى

قلب الضجيج ممسوس


بجن مش طيِّب

قلب الهدوء محروس

بملايكه بتزينه

الحكمه شوف مخروس

لو ما بتطيِّب

يبقى الرجا مهروس

والظلم بيهينه

إركب حصان الحلم

اغمزه بفعلك

فعلك لجام إن صح

يحكم زمام الشوف

ومدّ شوفك طول

فى المدى نجمك

نجمك دليلك ضى

ينصرك ع الخوف

منتاش أسير الخوف

حين تلتقيه دوسه

حقك تكون نفسك

أول نجوم يومك

وامشى دليلك قلب

فاهم قوى دروسه

ما تبعشى عقلك غيم

تبقى غريق عومك

الرغبه أنثى خسيسه

فى نفس محرومه

مالها حدود فى الشبع

إربة طمع مخرومه

كتير تسوق البشر

للانحدار والحُفَر

إحبسها لو تقدر

تعيش معاك مكلومه

وناس تديها اهتمام

تكبر عليك تنساك

يدخلها وهم غرور

ترميك فى غيط أشواك

سيبها تدوس فى الكبر

وتغوص فى معاميعه

طريقها زيف ملعون

آخره دمار وهلاك

لو فيه فى العمر حبَّه

هيكون أمل فى الله

أكون شجرة محبه

نورها يقيد للخلق

ياما نزفت الضنا.. لجلن ألاقى حياه

ما شربت غير المر

ما نصفنى قول الحق

أصحا فى سرداب آه.. وانام على أنِّتى

كما الجريح موجوع.. فيِّا الأمل مشلول

الدمع جوَّه القلب

الشوك فرش سكتى

طرح الليالى غروب

مصاحبنى عرض وطول

ازاى ميزان العدل

يسوِّى تحت بفوق

هيّه الحدادى ياناس

زى الحمام أبو طوق

الصبح يبكى الأسى.. يبل خـدّ الورد

على كل نور يتولد

ما يطولشى عينه شروق.

رابط دائم: 
 
 
 
 
 
اضف تعليقك
البريد الالكترونى
 
الاسم
 
عنوان التعليق
 
التعليق