رئيس مجلس الادارة

عبدالمحسن سلامة

رئيس التحرير

علاء ثابت

رئيس التحرير

علاء ثابت

أما بعد

محمد طاهر برعى

بلملم ضحكتك مقدار

م يشغلنى

لا عمرى سمعت للعصفور بحرية

ولا غنا

اطير الصبح اتبعلك

خطاوى بخوف

فترمينى السكك تايه

أشيل م اليافطة

اسم النص

وأجرب مرة أمشى ف يوم

بلا غاية

والم غنايا م المشاوير

فتوصلنى المشاهد حدف

بحبك ف البكا مرة

واحبك ف الفرح مرات

أعيش ف الدايرة

عشق وذات

فتحمينى من الاندال

م نا اللى اتقال

على عشقه

ف يوم روميو

وأنا اللى سنينه مش عمره

وأنا اللى الأمر مش أمره

ظلمتينى

يا أغلى حكاية

برا الكدر

وحشتينى

وبين مشهد بيفتح ساعة قبل العرض

وبين جمهور بيدارا م بين كواليس

لقيت المخرج المكسور بيندهلى

ويرميلى الورق ع الارض

جريت ع المسرح الخايف

ليرسمنى ف ركن بعيد

ورصيت الكلام

من فوق.

...

لعلمك لما كان فينا

الهوى عشنا

لعلمك ان أنا وأنتى.

لقينا ف بعض

يا عشقى ف كل غناويا

يا اشبه بالمدد فيا

الم الضحك م الصالة

واعيش حاله بلا تسقيف.

رابط دائم: 
 
 
 
 
 
اضف تعليقك
البريد الالكترونى
 
الاسم
 
عنوان التعليق
 
التعليق