رئيس مجلس الادارة

عبدالمحسن سلامة

رئيس التحرير

علاء ثابت

رئيس التحرير

علاء ثابت

روبابيكيا القاهرة

نجوى المصرى;

رُوبَابِيكْيّا بِيكْيّا القَاهِرَة مَاشِى وبَلِمْ

صُورَة عَلّى مَقْصُورَة عَلّى عَلَم عَلّى هَمْ

إرْكَبْ وشُوفْ واسْمَعْ بأه وشِمْ

شِتَا وَرَا صِيفْ كَتْ ولابِسْ كُمْ

ويـوم وَرَا يـوم بيّجِيبُه بالدَمْ

الأوّلَة بَلَدِى وإتْمَشَى عَ الكُورْنِيشْ

وكُلّ دُرَة مَشْوِى إتْسَلّى لكن بِشْوِيشْ

تِلاقّى نَاسْ عَايّشَة ونَاسْ بِدُقَة تِعِيشْ

ونَاسْ تدَوِبِ جِزَمْ ونَاسْ يَدُوبْ وَرْنْيشْ

نَاسْ فِ اليّخُوتْ نَايّمَه ونَاسْ مُوَارْبَة الشيشْ

ناس بِتْبَقْشـش وناسْ هـىّ البَقْشِيـشْ

نِاسْ حَاسّه ونَاسْ ولا بِتْحِسْ

اللّى واكِلْهَا الفَقْر واللّى وَاكِلْهَا النَحْسْ

وجَدَعْ وَاقِفْ جَدَعْ وجَدَعْ تِعِبْ من رِقْصْ

ونِاسْ غَدَاهَا لَحْمَ ونَاسْ غَدَاهَا خَسْ

وكِيلُو بُرْتُقَال مَا نَابْنِى إلا الفَصْ

نَاسْ بُؤسْ وبَاصّه عَلّى نَاسْ بُوصْ

وزَعِيمْ ثَورِة الجُوعْ قاعد فِىّ صَابْعُه يّمُصْ

وزَعِيمْ ثَوْرِة النَهْضَة فِ مَحْبَسَهُ بيّعِسْ

وزَعِيمْ جِهْ وقَالْ لِكُلْ الدُنْيّا هُس

رُوبَابِكْيّـا غَالْيّـة وبِيكْيّا بِثَمْنْ بَخْـسْ

مِنْ تُوتْ عَنْخْ لأحمُسْ لشَجَرِة دُرْ النْسَاء

ويُوسِف فِىّ بِيّرُه قَالْ لَا لغُولْ الغَلَاء

وزَغْلُولْ قَالْ «يَحِيَا» صَلِيبْ فِ هِلَالْ سَمَاء

ونَكْسَه ونُصْرَة وأسْر للأعْدَاء

وسَادَات رَفَعْ سَلَام وكَانْ سَلَامُه دَاء

واللّى طَخُه رُصَاصَه عِيَارهَا كِبْريَاء

ورَيَا وسَكِينَه دَفَنُوا سَوا أحْيَاء

وتُحَفْ فِيّ إزَازْ وتُحَفْ إزَازْهَا خَلَاء

رُوبَابِيكْيَا بِيكْيَا الوَطَنْ سُفَهَاء مَعْ نُبَلَاء

صَفْحَاتْ التَارِيخْ شِرْبِتْ الحِبْرْ زَى المَاء

بَحِبْك يَا قَاهِرَة وبَـدوس أوى عًـلىّ البَاء

بأيّدِكْ السُودَة مَكَنْ وَاقِفْ بِكُلْ بَهَاء

وإيّدَكْ البِيّضَة قُطْنْ لَبسْنِىّ أحّلّى رِدَاء

يَا قَاهِرَة يَا عَامِرَة يَا آمِرَة

يَا نَادِرَة يَا وَاقِفَه باستِحّيَاء

لا عُمْرْ الخَرُوفْ زَئَرْ

ولَا الأسـد قـال مااااء.

رابط دائم: 
 
 
 
 
 
اضف تعليقك
البريد الالكترونى
 
الاسم
 
عنوان التعليق
 
التعليق