حرص لاعبو فريق سيراميكا على دعم هيثم شعبان المدير الفني السابق للفريق بعد إعلان إقالته من قبل إدارة النادي.
موضوعات مقترحة
وكتب شادي حسين عبر صحفته على موقع "انستجرام": "كابتن هيثم شعبان بشكرك على 3 سنين قضيتها معاك شوفت فيهم كل حب واحترام وكل حاجة حلوة، اتعلمت منك حاجات كتيرة جدا جوة وبرة الملعب كنت أخ أكبر ليا قبل ما تكون مدير فنى.. بتمنالك من كل قلبى التوفيق والنجاح فى الخطوة اللى جاية انت وجهازك المعاون المحترم".
في المقابل أشاد وليد عبد المنعم بمديره الفني السابق قائلًا:"أحسن مدرب في مصر اتعلمت منك تقريبا كل حاجة في الكورة مشفتش حد بيجتهد وبيشتغل زي ما حضرتك بتشتغل مشفتش حد بيطور من نفسه وفرقته زي ما انتا بتعمل ربنا يكرمك علي قد اخلاصك وتعبك واجتهادك ربنا يوفقك دايما للخير وتحقق كل اللي بتتمناه وأنا علي يقين إني هشوفك في يوم مدير فني منتخب مصر".
وكتب محمود بلبل قائلا: "كابتن هيثم شعبان كل الشكر على الفترة القضيتها مع حضرتك من أحسن فترات حياتي في الكورة اتعلمت منك حاجات كتيرة خارج وداخل الملعب كنت أب وأخ وصاحب لينا كلنا .. بتمنالك كل التوفيق والنجاح المتعودين عليه في الخطوة الجاية انت وجهازك المعاون".
وأعلن سيراميكا صباح اليوم، توجيه الشكر لهيثم شعبان والاكتفاء بالمدة التي قضاها على رأس القيادة الفنية للفريق.