بالتزامن مع إقامة سرادق عزائه بمسجد الشرطة في مدينة السادس من أكتوبر، أقام محبو النجم الراحل محمود عبدالعزيز نعيًا من نوع خاص لفنانهم الراحل تمثل في الإقبال الكثيف على مشاهدة مقطع من مسلسل "باب الخلق" اعتبروه ملخصًا للأزمات الاقتصادية والاجتماعية التي عاشتها مصر في السنوات الأخيرة.
موضوعات مقترحة
المشهد الذي لا يتجاوز العشر دقائق أطلق عليه عشّاق النجم الراحل اسم "الجريمة الكاملة" وفيه يظهر محمود عبدالعزيز بشخصية "محفوظ زلطة " في مشهد تمثيلي مع المذيع عمرو أديب .
وبعد انتشاره على اليوتيوب تم استنساخه وإعادة نشره على أكثر من قناة، ليحقق عليها أيضا نسب مشاهدات مرتفعة، وتعليقات تخلد موهبة الساحر وتدعو له بالرحمة.
في المشهد يسأل أديب محفوظ زلطة بشكل ساخر :"شكلك معبّي من الحكومة؟" ليرد الضيف بقهر حاسم :"طبعا معبّي من الحكومة، لأن الجريمة كلها حصلت قدّام الحكومة".
فيسأل أديب باستنكار: "جريمة إيه؟ّ" ،ليجاوب زلطة:" الجنان اللي احنا عايشينه كل يوم لحد ما بقى هو العادي.. لو حد نفسه يشتغل في الحكومة يضمن مستقبله ويبقى له معاش يدفع آلافات علشان ياخد مرتب ملاليم.. ماذا تفعل له هذه الملاليم؟ ليجيب المذيع:ـ في مصر 6 مليون موظف لدى الحكومة يتقاضون أقل مرتبات في العالم.
يتابع زلطة:"مواطن نفسه يتعالج يدخل مستشفيات الحكومة سليم يطلع عيّان ..دي مش جريمة؟! ليرد أديب: لدينا سرير لكل ألف مواطن.
يستكمل زلطة:"واحد نفسه يعلم ابنه علشان يدخله مدرسة خاصة مصاريف فلكية ،أما لو حكومة آلاف الجنيهات للدروس الخصوصية وفي الآخر الولد مش هيتعلم حاجة..دي مش جريمة؟! ليجيب المذيع: 20 مليار جنيه حجم الاقتصاد اللي تحت الأرض من الدروس الخصوصية في مصر.
يضيف الساحر:"شاب اتعلم في الكلية سنوات دراسة وآمال وأحلام مفيش شغل ،اضطر يشتغل أي شغل بردو مفيش ،أعرف ناس اتخرجت من الجامعة بعد دراسة يشتغل دلوقتي صبي عالمة...دي مش جريمة؟!"، فيجيب أديب: 9 مليون عاطل في مصر طبعا جريمة.
وأخيرا يسأل محمود عبد العزيز:"لما تقضي عمرك كله برة تحلم إنك تعيش عيشة كويسة .. دي مش جريمة؟! الحاجات دي بالذمة متضحكشي ؟ المتنبي قالها زمان:
وكم ذا بمصر من مضحكات ولكنه ضحك كالبكاء.
جدير بالذكر أنه تم تأجيل عزاء النجم الراحل محمود عبدالعزيز لليوم الأربعاء حتى لا يتزامن مع موعد حفل افتتاح مهرجان القاهرة السينمائي بالأمس ويعوق حضور الفنانين لفعالياته.
محمود عبد العزيز ينتقد الحكومة