قال الفنان مصطفى شوقي إنه حاول في أغنيته "أهلا نورت البيت"، الذي طرحها لرمضان، الجمع بين القديم والجديد، كما أكد أن عودته للعرض المسرحي بداة من أول أيام عيد الفطر القادم.
موضوعات مقترحة
وجاءت تصريحات الفنان مصطفى شوقي، لبرنامج هليلة فى ٣٠ ليلة، تقديم دنيا صلاح عبد الله على ميجا إف إم، على النحو التالي:
رقم ٧ من الأرقام اللى بحبها جدا وبحسه رقم حلو وفيه سر.
حاولت فى أغنية "أهلا نورت البيت" إنى أجمع بين القديم والجديد، في تقديم أغنية جديدة لرمضان.
عملت مسرحية اسمها "ابن الأصول" من إخراج مراد منير، ومعايا فيها مجموعة جميلة من الممثلين، وهي تجربة جديدة وغريبة بالنسبة لي.
راجعين تاني للعرض المسرحي يوم العيد، والمسرحية فيها أغانى جميلة منها ديو مع ميرنا وليد، وفيها جرعة غنائية موزونة.
أغنية "العقارب" أسرع اغنية عملتها، سمعتها مرة واحدة وعملتها على طول.
ألفت مسلسلين مكتوبين فى كتاب هما "الشيخ يعقوب" عن يعقوب صنوع و"آشرتود"، ومعناه الولد الجميل بالنوبي، ونزلوا فى معرض الكتاب.
وزارة الثقافة الحقيقة مهتمة بالمسرح جدا، وفيه فرص للوجوه الجديدة، كمان تذكرة المسرح بقى سعرها أقل من تذكرة السينما، يعنى خروجة ممتعة لأى أسرة مصرية ومش مُكلّفة.
أغنية "زي الدهب" اتصورت فى جزيرة سهيل فى أسوان، ولما صورتها كنت عايش إحساس مسلسل "آشرتود" جدا، وبعدها كلمني الشاعر عنتر هلال وقالي أكتب أنت ولحن، أنت متاخدش كلام من حد، وعندك بصمة في الكتابة.
أغنية "بؤبؤ" فكرة مجنونة ومختلفة، وحاولت أعمل فيها حالة جديدة.
"مجاريح" أغنية مهمة، وفيها أربع أبيات فصحى، وطالعة من جوايا أوى، وبالنسبالى بعتبرها أفضل ما عملت فى ٢٠٢٥، وكل الأغاني اللى كتبتها ناتجة عن حالات مريت بيها.
أغنية "اللى مايتسموا" تعتبر أغنية غزل، وبتتكلم عن الغيرة بين الحبيب والحبيبة.
بحضر أغنية اسمها "عجيبة الدنيا دي"، من كلماتى وألحاني، وأغاني تانية.
عامل حاجة اسمها "استوديو درش" هنطل بيه على الجمهور بشغل مختلف قريبا إن شاء الله.