أعربت الفنانة غادة عبد الرازق، عن استيائها من الوضع الحالي لصناعة المسلسلات، مؤكدة أن طريقة كتابة الأعمال تغيرت بشكل كبير مقارنة بالزمن الماضي، قائلة: "زمان الكاتب بيكتب مسلسل أو اثنين ويكون مخلصه ويعرضه على النجم أو شركة الإنتاج".
موضوعات مقترحة
وأضافت غادة عبد الرازق، خلال لقاءها مع الإعلامية أسما إبراهيم، ببرنامج "حبر سري"، عبر شاشة "القاهرة والناس"،: "وصلنا دلوقتي لمرحلة أن الكاتب لازم يكون عارف مين النجم قبل ما يبدأ كتابة الحلقات، وده كارثة أنا برفضها".
وتابعت: "هذا الأمر يؤدي لحالة من المط والتطويل، لأننا لازم نصور والمسلسل بيتم عرضه في نفس الوقت، الدور مبقاش ينادي صاحبه زي زمان، الكاتب بيستنى يعرف النجم ويمضي عشان يكتبله الحلقات".
وواصلت: "المفرض عندك سنة كاملة تكتب الأعمال وتعرضها، ويكون في تعديلات فقط، مش تكتب عمل كامل للنجم".
وعلقت غادة عبد الرازق على قرار أشرف زكي بمنع البلوجر من التمثيل بدون تصريح مؤكدة دعمها لقراره بمنع البلوجر من التمثيل أو المشاركة في أي عمل إلا بعد الحصول على تصريح رسمي، وقالت: "القرار صحيح وعنده حق".
وقالت غادة عبد الرازق، خلال لقاءها مع الإعلامية أسما إبراهيم، ببرنامج "حبر سري"، على شاشة "القاهرة والناس"، :"أصبحت مهنة ليس من له مهنة.. وكله عايز يمثل ويكون مشهور ويطلع في التلفزيون، وده مش صح، التمثيل حاجة مهمة، والموهبة والكاريزما حاجة مهمة، والفنان مهم".