كشف الفنان محمد فراج عن بعض التفاصيل، حول شخصيته التي يقدمها في مسلسل «أب ولكن»، المنتظر عرضه خلال الموسم الرمضاني المقبل ٢٠٢٦.
موضوعات مقترحة
وأجاب فراج على بعض الأسئلة حول المسلسل، وشخصيته، وذلك أثناء استضافته من جانب منصة watch it.
وجاء الحوار على النحو التالي:
احكيلنا عن شخصيتك في مسلسل أب ولكن؟
بلعب شخصية أدهم هو مهندس وفنان بيرسم وبيلعب مزيكا وحسه مرهف شويه، حسه الفني هذا هو العبائه بتاعته
صفة مشتركة بينك وبين الشخصية؟
بحب المزيكا، مبعرفش أرسم، بس عندي تذوق فني بشكل أو بآخر.
أكتر مشهد حسيت إنه حقيقي؟
مليان مشاهد، الحدوته أصلا حقيقية جدا، بنشوف نماذح زيها كتير
درس اتعلمته من باباك ودايما بتستخدمه؟
والدي أول حاجه بتيجي في دماغي لما بفتكره، هي الإخلاص
لو المسلسل كان أغنية كان هيكون أيه؟
أيها الراقدون تحت التراب
لو قابلت الشخصية التي بتقدمها في المسلسل هتقولها أيه؟
هقوله ربنا يكون في عونك، قلبي معاك