كشف المخرج يوسف شاهين في حوار سابق له مع الإعلامية هالة سرحان، عن اضطراره للعمل مع الفنان فريد الأطرش لاحتياجه وقتها للمال، كما كشف كواليس تعاونه الفني مع الفنانة هند رستم.
موضوعات مقترحة
قصة عمل يوسف شاهين مع فريد الأطرش
وعن فيلم «أنت حبيبي» الذي أخرجه يوسف شاهين للفنان فريد الأطرش، قال: "كانت البلاد أوشكت على وقت حرب، ونزلت روحت الكشك اشتري علبة تونة ورغيف عيش، صاحب الكشك قالي مفيش حاجه الناس أخدوا كل حاجه، وعندما ذهبت إلى المنزل وجدت فريد الأطرش يطلب مقابلتي على الفور حينها قولت له احنا في وقت حظر تجوال، قالي تعالى ليا أنا عاوزك في فيلم، قولت له حاضر، وذهبت إليه".
وتابع: "عندما وصلت قولت له ماهي قصة الفيلم، قال لي واحد بيجري في الشارع والناس بتجري وراه، علشان يعرفوا بيجري ليه، في الآخر بيطلع بيجري علشان مش عاوز يتجوز، والفترة دي اللي كان منتشر فيها أن فريد الأطرش مش عاوز يتجوز، قولتله كمل قصة الفيلم، وبعدين ايه اللي هيحصل، قالي خلاص كده الفيلم خلص، ولقيت الناس اللي قاعدة معاه بتضحك بشكل هستيري، فضحكت أنا كمان علشان مضيعش الفيلم وكنت محتاج الفلوس، واضطريت للعمل في الفيلم".
شخص من الرقابة طلب من يوسف شاهين زيادة الفيلم 2 كيلو
ويواصل شاهين حديثه، ويقول: عندما انتهيت من فيلم فريد الأطرش، ذهب إلى الرقابة لعرضه عليهم، وحينها كان الفيلم يتم وزنه لأخذ الضرائب عليه، حسب وزنه، وعندما شاهده شخص من الرقابة، شدني وقالي لي فيلم فريد الأطرش 22 كيلو فقط، قولت له معرفش أنا بالنسبة ليا فيلم يعني فيلم، معرفش الوزن، قالي لا يا جو أنا عاوزك تزود ليا الفيلم 2 كيلو كمان".
وتابع: "كانت أول مرة لي يَطلب مني مثل هذا الأمر، وأضفت الـ2 كيلو في نفس اليوم، بأغنية كانت باسم زينة والله زينة، أضفتها للفيلم".
قصة كسر يوسف شاهين لضلع هند رستم في فيلم «باب الحديد»
تطرق المخرج يوسف شاهين، خلال حديثه عن التعاون مع الفنانة هند رستم، حيث قال: "أنا بحبها جدا والعمل معها كان ممتع، في فيلم «باب الحديد» الذي عملت فيه معها وكان فيه خطورة، وكان هناك مشهد وهي بتقفز من القطار وأنا بقفز خلفها، قفزت فوق منها وكسرت لها ضلع، وتم حجزها ثلاث أسابيع في المستشفى".