عبّرت الفنانة ياسمينا العبد بطلة مسلسل "ميدترم"، عن إحساسها بعد انتهاء العمل الذي وصفته بأنه "أقرب حاجة لقلبها"، وذلك عبر حسابها بموقع التواصل الاجتماعي "انستجرام".
موضوعات مقترحة
وشاركت ياسمينا عدد من الصور في المسلسل وعلقت،:أنا كنت متأخرة في البوست ده لأني حقيقي مش عارفة أعبّر عن مشاعري بعد نهاية المسلسل، مش عارفة أقول إيه ولا أشكركم إزاي، المسلسل ده أقرب حاجة عملتها لقلبي، أنا بجد مش قادرة أوصف التعب والمجهود اللي اتبذل من أكبر شخص لأصغر شخص، اللي ورا الكاميرا قبل اللي قدام الكاميرا بس الحقيقة إن كل شخص اشتغل في المشروع ده كان جزء أساسي من نجاحه، وإحنا بنقرأ وبنحضّر عمرنا ما كنا نتخيل إننا نوصل للتوب 1 على شاهد وWatch It، ولا إننا نوصل لمليار مشاهدة يعني إيه الرقم ده أصلًا ؟”.
أضافت: “كنت خايفة جدًا وأنا بشتغل على المشروع ده لأني ما كنتش عارفة هل هكون قد التحدي ولا لأ لولا الأستاذة مريم الباجوري، واحدة من أهم المخرجين دلوقتي، ما كانش هيبقى فيه مسلسل أصلًا… بشكرك على ثقتك فيّ وثقتك في الشباب، وبنشكرك على العظمة اللي أنت فيها، أنا فخورة إني كنت جزء من أول عمل درامي ليكي، بحبك جدًا”.
وتابعت: “كل النجوم اللي كان ليا الشرف إني أشتغل معاهم، شكرًا على شغلكم اللي فوق العظمة، إنتوا كسّرتوا الدنيا !!!! عمري ما اشتغلت مع ناس مليانة بالشغف بالشكل ده والكيميا اللي كانت بينا كانت توفيق كبير من ربنا... انتم عيلة حقيقية بجد”.
وأكملت: “بشكر المتحدة على الفرصة دي وعلى ثقتهم فيّ شكرًا للأستاذ أحمد فايق، وعبدالله غلوش، وأحمد شفيق على الدعم، ويا رب اللي جاي يبقى أكبر وأحلى كمان، وبشكر وزارة التعليم العالي على الدعم والتركيز العظيم، شكرًا إنكم مؤمنين بطاقة الشباب وبمشاكلنا، بشكر الأستاذ محمد صادق وورشة براح على الورق اللي شفنا نفسنا فيه”.
أبطال مسلسل ميدتيرم
يضم مسلسل ميدتيرم مجموعة من النجوم الشباب، بجانب ياسمينا العبد، تضم كلا من: جلا هشام، زياد ظاظا، يوسف رأفت، دنيا وائل، إلى جانب عدد من مواهب برنامج "كاستينج"، منهم: أمنية باهي، إسلام خالد، مريم كرم، ميشيل مساك، وسيف محسن.
كواليس ميدترم
كواليس ميدترم
كواليس ميدترم
كواليس ميدترم
كواليس ميدترم
كواليس ميدترم
كواليس ميدترم