نشرت الفنانة لقاء الخميسي فيديو علي صفحتها الرسمية بانستجرام به مجموعة من الصور العائلية التي تجمعها مع زوجها الكابتن محمد عبد المنصف وأبنائها، ويعد أول منشور لها حول أزمتها الأخيرة.
موضوعات مقترحة
وكتبت عليه " الدنيا تختبرنا دايماً وأبداً ، أيام بتسعدنا وأيام تبعدنا وتزعلنا وتجرحنا.. وبنتوه مع نفسنا، الحكمة بتظهر من قلب الحزن.. وبنقعد نفكر إيه الصح وإيه الغلط وهل اللي عدينا بيه شر ولا خير".
وتابعت "مع الوقت، ولما النفس تهدى والعقل يفكر والقلب يدق ، بنكتشف ان كلنا ينغلط وبنتوه شوية في وسط الزحمة ، في ناس بتغلط وتكمل في الغلط ! وفي ناس بتغلط و يترجع لحكمتها ويتندم وتصحح الخطأ".
وأكدت قائلة "خطائين وخير الخطائين التوابين، مافيش حد مابيغلطش ، بس القوي الحقيقي بيعترف بالغلط وبيرجع لصوابه، ربنا فتحلنا باب المغفرة والسماح".
ووجهت لقاء الشكر لكل من دعمها في أزمتها الأخيرة وكتبت "شكرا من قلبي لكل انسان دعمني ووقف جنبي وطبطب عليا وشكرا لكل اصدقائي المقربين اللي وفقو جنبي وكل من دعمني من اصدقاء السوشيال ميديا اللي نوروا حياتي بالمحبة وطبطب على قلبي ودعالي دعوة حلوة".
وفي النهاية كتبت "أخر حاجة هاقولها، أسهل حاجة في الدنيا هدم البيوت العمرانة وأقوى حاجة في الدنيا إننا نحافظ على حياتنا ونحارب على بيوتنا واولادنا يالحب والسلام ، كلنا بنغلط ، وبنندم ونرجع لصوابنا .. ونرجع ببداية جديدة مليانة شغف وحب وسلام وراحة بال".
ووجهت لقاء رسالة للسيدات "لكل ست وربة منزل حافظي على بيتك وعيلتك بكل قواكي وأوعي تدي الفرصة لأي انسان انه يهدم بيت العيلة".