كشف الفنان أحمد السقا عن بعض التفاصيل من طفولته، مؤكدًا أنه كان طفلًا منطويًا إلى حد كبير، رغم تفوقه الدراسي وممارسته لكرة القدم.
موضوعات مقترحة
وقال السقا خلال لقائه مع المخرج معتز التوني في برنامج «فضفضت أوي»، المعروض عبر منصة «Watch It»: «كنت بتضرب بس، أنا كنت طفل منطوي جدًا، بالرغم من إني كنت بلعب كورة، لكن كان جوايا قوة غير مكتشفة».
وأضاف: «كنت أرجع كل يوم لوالدتي وأنا متضرب، وكانت تيجي معايا المدرسة علشان تاخدلي حقي، وده كان بالنسبة لي قهر وفضيحة، والأطفال كانوا يحترموني بس في الكورة لما يحتاجوا إني ألعب معاهم».
وعن مستواه التعليمي، أوضح السقا: «كنت شاطر في التعليم، عمري ما سقطت في مادة، وكنت دايمًا بقعد في أول دكة في الفصل».