قام الفنان أحمد عبد الحميد بنشر صورة عبر صفحته علي موقع التواصل الاجتماعي "الفيس بوك" تجمعه بوالده الراحل الماكيير محمد عبد الحميد.
موضوعات مقترحة
وعلق أحمد عبد الحميد: الصورة دى من أخر عيد ميلاد ليك.. وأنا بتصورها معاك كان قلبى بيقولى ده أخر عيد ميلاد ليك وأخر مرة هقدر أفرحك.. بس ولا أنا ولا أنت كنا عارفين أن فرحك جاى وأن ربنا هيرزقك البداية الأبدية في جنته أن شاء الله بوجه مستبشر كدة زى ما كل إلى ودعوك شافوه.. كنت آخر سنين تقولى أنا اتنسيت خلاص يا أحمد ولما اقولك فلان بيقولى سلملى على " الأستاذ" تقولى ياااه فيه الخير الحمدلله أنه لسه فاكرنى أو لسه فكرانى .. لو شفت حب الناس ليك بعد ما مشيت سواء في خارجتك أو في عزاك أو حتى على صفحاتهم هتعرف قد أيه أنت كنت عظيم وهتفضل تاريخ وهتفضل سيرتك حلوة وساترنا طول ما إحنا عايشين.
وتابع أحمد عبد الحميد: بس أنا عارف أن كل ده ولا يشغلك دلوقتى يا عم وأنت منعم في جنة الرحمن مع حبايبك كلهم وهو ده عزائى الوحيد ربنا يرحمك يا أطيب قلب وأحسن أب ويجعلنى خير خلف ليك وأفضل محافظ على اسمك وسيرتك واخلاقك اللى سايبها في قلوب الناس… أشوفك على خير يا حمادة".
ماذا قال أحمد عبد الحميد في نعي والده؟