حرصت الفنانة رانيا فريد شوقي على إحياء ذكرى وفاة شقيقتها ناهد، كما استعادت ذكرياتها معها، وذكريات العائلة عندما كانوا يتجمعون سويا، في أجواء أسرية دافئة. ونشرت رانيا عبر صفحتها الشخصية على موقع التواصل الاجتماعي فيسبوك، بعض الصورلعائلتها والتي تظهر بها الراحلة ناهد، وعلقت قائلة: " النهاردة الذكرى السنوية التانية لوفاة أختي ناهد فريد شوقي، الوقت بيجري بسرعة، والعُمر بيجري معاه". وتابعت: "من بعد ناهد، اللمة بقت ناقصة، كنا بنتجمع دايمًا مرة كل شهر، وكل مرة في بيت حد مننا، كل ست كانت تطبخ صنف أو اتنين، واللي كان يملأ البيت مش الأكل، كان الحب اللي اتربينا عليه، وذكريات عن بابا ما كانتش بتخلص". واختتمت: "حب العيلة، اللي رغم أي خلاف، يفضل هو السند والبركة والمعنى الحقيقي للدفا، مهما اختلفنا، في النهاية أهلك لا تهلك، دلوقتي بقينا بنتقابل في المناسبات بس، وزي ما نكون بقينا خايفين نتجمع، خايفين اللمة تفكرنا مين ناقص ومين راح".