أثار الفنان حلمي عبد الباقي وكيل أول نقابة المهن الموسيقية حالة من الجدل خلال الساعات الماضية بعد ظهوره في فيديو عبر حسابه الرسمي على "فيسبوك" للرد على المقطع المتداول من اجتماع مجلس النقابة برئاسة النقيب مصطفى كامل وما تضمنه من اتهامات بالتقصير في أداء مهامه.
موضوعات مقترحة
وقال عبد الباقي في الفيديو: "لكل إخواتي أعضاء الجمعية العمومية.. اترددت كتير قبل ما أتكلم، لكن لما بحب أتكلم بتكلم، ناس كتير شافت الفيديو المتداول اللي داخل النقابة ولموني إني متكلمتش.. الحقيقة إن أنا مش باخد فرصة إنّي أرد، والكلام دايمًا بيتقطع عليا، أنا رديت على النقطتين اللي اتوجهوا ليا: موضوع الإسكان وموضوع نادي المنصورة".
وتابع حديثه مؤكدا حجم المجهود الذي قدمه على مدار سنوات: "عايز أسأل الجمعية العمومية: حلمي عبد الباقي قصّر في إيه؟ من أيام هاني شاكر وأنا ماسك لجنة الخدمات، وشغلي كان واضحا جدًا خصوصا فترة كورونا، وفي موضوع التربية النوعية اعترضت وقلت لازم كارنيه".
وفي ختام حديثه وجه رسالة مباشرة للنقيب مصطفى كامل قائلا: "أي اعتراض على أي قرار في النقابة بيعتبر هدم، ومع كل المجهود اللي بقدمه، اتفاجئت بتسجيل صوتي فيه إهانة وشتيمة صعب إنها تتقال على حلمي عبد الباقي، أنت عارف إني راجل وجدع ومش جبان، ولما وقفت معاك وقت الانتخابات ولفيت مصر كلها كان الفضل لربنا ثم ليا ثم لناس آخرين.. توقعت إني بعمل دا عشان أبقى نقيب، وتعاملت معايا على الأساس دا، بس أنا مش هسكت ومش هسيب حقي.. ولو سيبت حقي أبقى أموت أحسن".