حرص الفنان أحمد باتشان على طمأنة جمهوره عليه بعد تعرضه لحادث بسيارته، كما أعرب عن استيائه لتكرار الأزمات التي يقع بها، بعد أي نجاح يصل له.
موضوعات مقترحة
ونشر باتشان عبر صفحته الشخصية على موقع التواصل الاجتماعي فيسبوك، بعض الصور لسيارته بعد الحادث، وعلق قائلا: «يمكن دي أول مرة أتكلم في حاجة زي دي ودي مش أول مرة بس حقيقي مبقتش فاهم في إيه يعني كل لما أبقي مبسوط شوية وتحصل حاجة كويسة في حياتي سواء نزول أغنية أو احتفال بعيد ميلادي أو أي مناسبة لازم يحصلي حاجة بعدها والحمد لله اللي ربنا بيقدرني عليه بعمله ومن غير تفكير ومن غير متكلم علي حاجة زي دي عشان دي حاجة بيني وبين ربنا».
وتابع: «الحمد لله ربنا نجاني وأنا الحمد لله كويس والحمد لله أنها جت في الحديد وإن ربنا سترها معايا وربنا يحفظ الجميع ويبعد عننا أي شر، والحمد لله على كل شيء وأنا راض جدا بكل حاجة بتحصلي، وده أكيد كرم من ربنا عليا عشان كان ممكن يحصلي حاجة أكبر من كده».