تقدم الفنان بيومي فؤاد بالاعتذار لجمهوره عن ما بدر منه أو أى سوء فهم خلال الفترة الماضية أثناء استضافته فى برنامج "فضفضت أوى" للمخرج معتز التوني، أحدث إنتاجات منصة Watch it الرقمية.
موضوعات مقترحة
بيومي فؤاد يعتذر: لو زعلت حد من غير قصد، حقك عليا
وقال بيومي فؤاد خلال الحلقة: "لو أنا مزعل أي حد سواء عنده حق أو معندوش فأنا آسف حقك عليا، وأنا مش بحب أي حد يكون زعلان مني حتى لو فاهمني غلط أو صح".
بيومي فؤاد يروي موقفا من طفولته
وروى بيومي فؤاد موقفاً خلال الحلقة أثناء طفولته قائلاً: "صاحبة البيت اللي في الزمالك زمان، خدتني معاها لنقطة الجزيرة، عشان أشهد زور على واحد ساكن فوقنا، وأنا كنت عيل صغير وقتها، الظابط مخدش أقوالي لأني كنت طفل وقتها، لما رجعت البيت أبويا ضربني، أبويا حنين أوي كان يضربني ويعيط".
بيومي فؤاد: اشتغلت ضيف شرف في دكان شحاتة
وعن عمله مع خالد يوسف وعمرو سعد، قال بيومي فؤاد: "اشتغلت ضيف شرف في فيلم دكان شحاتة، كومبارس متكلم، وخالد يوسف كان بيشرحلي وعمرو سعد نايم في المشهد، لقيته فتح عينيه وقالي إزيك يا بيومي، فاستغربت إنه عارفني لأن أمي لسة متعرفنيش حتى، قال لـ خالد ده يبقى نجم فنون جميلة وكنت بحضرله عروض الكلية زمان".