تخيّل تفتح موبايلك.. وتلاقي فيديو لك، بنفس صوتك وصورتك، بتقول كلام عمرك ما قلته!
موضوعات مقترحة
مرعب؟ فعلاً... وده اسمه: "الديب فيك" Deepfake.
ما هو الديب فيك؟
يقول الدكتور وليد حجاج، خبير أمن المعلومات ومستشار الهيئة العليا للأمن السيبرانى وتكنولوجيا العلومات بمؤسسة القادة، والملقب إعلاميًا بصائد الهاكرز، الديب فيك هو تقنية تستخدم الذكاء الاصطناعي لتزوير الفيديوهات أو الأصوات.
ويضيف وليد حجاج: يعني ممكن واحد ياخد صورتك أو مقطع من صوتك.. ويعمل فيديو كأنك بتتكلم، بتغني، أو حتى بتقول معلومات حساسة!
إزاي ممكن يحصل ده؟
كل اللي بيحتاجه المحتال:
شوية صور من بروفايلك.
فيديوهات بتشاركها على إنستجرام أو تيك توك.
تسجيل صوتي ليك (حتى من مكالمة!).
وبعدها... الذكاء الاصطناعي بيشتغل، ويخلق نسخة مزيفة تبدو حقيقية 100%!
ليه ده خطير؟
ممكن يستخدموا الفيديو في الابتزاز ("لو ما دفعتش... هننشر الفيديو!").
أو ينشروا كلام على لسانك يدمّر سمعتك.
أو يستغلوا صوتك لخداع أهلك أو أصدقائك في مكالمة وهمية!
وليد حجاج خبير أمن المعلوماتكيف تحمي نفسك؟
يحذر الدكتور وليد حجاج، قائًلا: يجب أن تقلّل من نشر صورك وفيديوهاتك بشكل عشوائي على الإنترنت.
لما تنشر، اختار الخصوصية: "الأصدقاء فقط" بدل "عام".
لو حد طلب منك تسجل صوتك أو تبعت فيديو... اسأل "ليه؟ وإزاي هيستخدم؟"
خد بالك من التطبيقات اللي بتطلب "صلاحية الوصول للكاميرا والمايك".
أي حد عنده وجود رقمي... معرض لخطر التزييف،
بس الوعي هو خط دفاعك الأول.
احمِ صورتك... احمِ صوتك... واحمِ نفسك!