تحدث النجم حمادة هلال عن علاقته القوية بالملحن والمطرب عصام إسماعيل، مؤكدًا أن النجاح الذي جمعهما كان ثمرة صداقة حقيقية ومشوارا طويلا من العِشرة.
موضوعات مقترحة
المطرب عصام إسماعيل
وقال حمادة، خلال مداخله هاتفية في برنامج " الستات ما يعرفوش يكدبوا" ، على قناة "CBC": "النجاح اللي حصل بيني وبين عصام ما كانش شغل والسلام، دي علاقة عشرة ومحبة وأخوة حقيقية.. الأغاني اللي عملناها زي (كل ما أفكر فيك) و(الحب حلو) اتولدت وسط ذكرياتنا وضحكنا وسهراتنا، مش جو شغل رسمي".
وأضاف: "عصام من المطربين الجامدين جدًا قبل ما يكون ملحنا، لكنه اختار التلحين في الفترة دي، ونجاحه بيثبت كل يوم إنه موهوب بجد".
مواقف طريفة
وكشف هلال عن مواقف طريفة بينهما في البدايات، وقال: "كنت بعمل فيه مقالب جامدة جدًا، وبيصدقها! ولو قلت له جملة لحن من سنين يفضل فاكرها، دماغه كمبيوتر بجد".
وقبل ختام المكالمة، لبّى حمادة طلب جمهوره وغنى بصوته اللايف جزءًا من أغنيته "والله يا حب عمري وحياتي"، لتعمّ الأجواء حالة من البهجة والحنين.
واختتم قائلًا: "أنا بحب عصام جدًا، وبفرح لنجاحه، وإن شاء الله لما أرجع من السفر أكون معاكم وأغني لايف تاني".
مداخلة هاتفية للفنان حمادة هلال