تحدث عبد الظاهر السقا المدير الرياضي لنادي مودرن سبورت، عن فوز فريقه على غزل المحلة ضمن منافسات مسابقة الدوري الممتاز.
موضوعات مقترحة
وقال السقا في تصريحات لبرنامج لعبة والتانية مع الإعلامي كريم رمزي على إذاعة ميجا إف إم: الفرقة كانت مركزة واللاعبين محتاجين يصدقوا المكسب وفرق كبير أننا نكسب مباراتين في آخر 3 مباريات وخسارة في المباراة دي بفعل فاعل واتظلمنا في مباراة إنبي وربنا ردها أمام غزل المحلة.
وأضاف عبد الظاهر السقا: الضغوط كبيرة على اللاعبين لكن الفريق يمتلك العديد من الخبرات، تكوين فريق شيء مش سهل ومش معني ان عندي لاعبين كويسيين إن الفريق يكون كويس.
وواصل السقا: احنا ماشيين على خطوات سهلة وبنشوف المشكلة فين وبنعمل اللى علينا ومش بنام وبنجتهد وبنتعلم ونكتسب المزيد من الخبرات، والمشكلة فين؟ دا موضوع كبير.
واختتم السقا: هل الفريق يقدر يتخطى المرحلة الصعبة؟ دايما بقول للاعبين فكروا في النهاردة بس ومش بنفكر بكرة في اية، لو هنلاعب الجونة هنتعامل إنها مباراة نهائي ولو كسبنا هنقعد في الدوري.