قال الدكتور محمد المهدي، أستاذ الطب النفسي بجامعة الأزهر، إن نسبة كبيرة من الناس، تقترب من 90%، أصبحت تعاني من مشكلات في النوم، وأبرزها قلة عدد ساعات النوم وجودته، مشيرًا إلى أن السبب الرئيسي هو التغير الكبير في طبيعة الحياة، وبالأخص خلال الليل.
موضوعات مقترحة
وأضاف أستاذ الطب النفسي بجامعة الأزهر، خلال حلقة برنامج "راحة نفسية"، المذاع على قناة الناس، اليوم الأربعاء: "زمان، لما كانت الدنيا بتظلم بعد صلاة العشاء، الناس ما كانش قدامها حاجة غير إنها تنام، لكن دلوقتي الشوارع منورة، والبيوت كمان، وبقى فيه 100 ألف حاجة ممكن تتعمل بالليل".
وأشار إلى أن الضوء الزائد وخصوصًا الضوء الأزرق المنبعث من شاشات الموبايل، والتليفزيون، والكمبيوتر، يربك المخ، ويؤثر على إفراز الهرمونات، قائلاً: "الضوء الأزرق بيخلي الشبكية تبعت للمخ إشارات إننا لسه في النهار، وده بيوقف أو يقلل إفراز هرمونات مهمة زي هرمون النمو، ومواد كيميائية لا تُفرز إلا أثناء النوم".
وقال: "الناس بقت مش قادرة تقفل فيسبوك ولا إنستجرام ولا يوتيوب، وقاعد يتنقل من ده لده، ففين النوم؟ المخ بيبقى في حالة يقظة شديدة، أو تشتت كبير، بسبب كم المحتوى المثير أو المفزع أحيانًا".
وحذر من أن اضطرابات النوم تؤثر على التركيز، الذاكرة، والتحصيل الدراسي أو العملي، موضحًا: "قلة النوم بتخلي الإنسان مش قادر ينجز، ولا يكمل مهمته، لأنه محتاج عقل هادئ، وتركيز، وصبر.. وكل ده مش موجود بسبب السهر والتشتيت".