اعترفت الفنانة بدرية طلبة، بظلمها لشقيقها بسبب مشاكل أسرية مع طليقته وأولاده، قائلة: "كل ما أشوف أخويا دلوقتي دموعي تنزل وأقوله سامحني عشان مكنتش عاشرت الطرف الثاني في حياته اللي هي طليقته وأولاده واحتوتهم وعاديت مراته الحالية لإن الموقف كله أنا كنت شايفاه غلط".
موضوعات مقترحة
وأوضحت بدرية طلبة، خلال حوارها ببرنامج "أسرار"، مع الإعلامية أميرة بدر، المذاع على قناة النهار، أن الغلطة التي وقعت فيها هي أنها حكمت على مرات أخيها الحالية دون معاشرتها، مضيفة: "لما عاشرت طليقة أخويا الأولى عرفت إن أخويا كان عنده حقه وأنا كنت محتوياهم وكنت واخدة موقف شرس من أخويا لكن أخويا طول الوقت دلوقتي كويس ومعندوش مشاكل".
واستكملت: "مرات أخويا الحالية شيلاه وعرفه يعني إيه راجل وأعطيته حقه، واعتذرت لأخويا وقبل اعتذاري، ورحت له في وفاة ابن زوجته وكان حزينا أكتر منها والستات في النهاية عتبة نرتاح لها، وحاليا أنا بسحب الكلام اللي قلته ودعمي لطلقيته وأولاده وربنا يهديهم لإنهم في النهاية لحمي ودمي".