عبر المخرج مجدي الهواري، عن حزنه الشديد بسبب وفاة الملحن الراحل محمد رحيم، يوم السبت الماضي إثر أزمة قلبيه مفاجأة، موجهاً نصيحة للأشخاص بتقديم الدعم والتقدير لمن حولهم، وأنه لا داعي للانتظار حتى يفارقوا الحياة لنتذكرهم.
موضوعات مقترحة
وقال مجدي الهواري عبر حسابه الرسمي على «فيسبوك»: "أولًا: ادعوا لمحمد رحيم بالرحمة والمغفرة، وهناك بعض الاستثنائيين عايشين بيننا بس مبنعرفش قيمتهم ونسرح فيهم كده.. ونتأمل في سيرتهم بين الناس إلا بعد مفارقتهم للحياة".
وأضاف: "نعرف قيمتهم، يعني أيه الكلمة ديه؟ ركز كده في الجملة ديه، يعني الإنسان عايش على تقديم قيمة في حياته سوء من ناحية موهبته وعطية ربنا له أو أخلاقه، كما لو كان استثمارك في حياتك المهنية وفي سيرتك الذاتية مرهونة بما تقدمه من خدمات ومساعدات للآخرين ومعاملتك لهم، والكلمة الطيبة، وأيضًا معدن أصلك في علاقاتك الاجتماعية الشخصية وهي دي سيرتك الذاتية وغالبًا بتكون رزق ربنا بعتهولك أنك تكون إنسان فقط إنسان طيب، علشان ينفعك في ثقّل قيمتك بعد ماتمشي وكلنا هنمشي” .
واختتم الهواري: "وفي الآخر مادام لسه فيه نفس، حاول تكلم حد دلوقتي أو تبعتله، عنده قيمة في حياتك الحق قبل ما يمشي المهم ابدأ فورًا وساعد الناس أو شوفلك طريقة تبقي سيرتك حلوة وخلاص علشان الكلام ده هنعوزه بعدين رحمة الله على رحيم وعلينا كلنا، وداعًا العبقري محمد رحيم".