Close ad

أول تعليق من عصام صاصا بعد حادث الدائري

30-5-2024 | 18:55
أول تعليق من عصام صاصا بعد حادث الدائريعصام صاصا
آيات الأمين

علق الفنان عصام صاصا على صفحته على فيس بوك على الحادث الذى تسبب فيه أعلى الطريق الدائرى.

موضوعات مقترحة

وقال صاصا: "بسم الله الرحمن الرحيم ربنا وحده يعلم أنا بكتب الكلام دا وأنا عامل إزاى وفيا إيه.. أنا بقالي أكتر من شهر قاعد من غير شغل ومعنديش أي حاجة أعملها غير إني قاعد وما باليد حيلة ومستني قضاء ربنا سبحانه وتعالى ومحدش هيفهم أو هيحس بالموضوع غيرى". 

وتابع: "وأنا مطلعتش اتكلمت وعدت وزدت في الموضوع كتير ومحدش شافني حته بفيديو قولت أي كلمة خالص لكن أنا عندي شغلي وعندي عقود والتزامات لما أعملها وأخلصها يا إما هدخل في قصة تانية أنا مش قدها وشرط جزائي.. أنا هنزل شغلي وهشتغل لإني مش بإيدي أي حاجة غير إني أعمل كده أنا عندي أمي وعندي أخويا وعندي مراتي وابني وفرقه فيها أكتر من ٣٥ شخصا في رقبتي أنا شاب لسه ببدأ حياتي ولسه بقول يارب".

وأضاف: "مصاريف البيت والأقساط والحاجات دي كلها اللي انتو متعرفوش عنها حاجة مين اللي هيدفعها أنا طالع أتكلم لأن ما باليد حيلة غير إنكم لازم تفهموا إن كل اللي بتسمعوا مش صح الفلوس والقصور والعربيات كل ده مش صح وحال الناس اللي شاغلين معايا كل دول حالهم واقف بسببي أنا كل دول ليهم بيوت وعيال ودنيا تانية خالص".

وتابع: "أنا عارف ومتأكد إن ربنا مش هيورينا الشر ومش هيوريني أي حاجة وحشة ده ابتلاء من عند ربنا سبحانه وتعالى وأنا راضي بكل حاجة ومش هقول غير الحمد لله علي كل شيء والحمد لله، واللي ربنا كاتبهولي هشوفوا.. سواء خير أو شر، محتاج من كل الناس اللي بتحبني تدعيلي من قلبها بجد أنا عمري ما كنت شخص مؤذي وعمري ما كنت شخص وحش مع حد.. ربنا كبير.. وحشتوني أوي يا أحلي جمهور في الدنيا"، عصام صاصا.

كلمات البحث
اقرأ أيضًا: