Close ad

حسام حسن: "مش لاقي أسامي جديدة أضمها للمنتخب.. ومحتاج وقت لتجهيز اللاعبين والروح لوحدها لا تكفي"

13-5-2024 | 18:26
حسام حسن  مش لاقي أسامي جديدة أضمها للمنتخب ومحتاج وقت لتجهيز اللاعبين والروح لوحدها لا تكفي حسام حسن

كشف حسام حسن المدير الفني للمنتخب الوطني عن ضيق وقت معسكر الفراعنة، وأن ثلاثة أيام لا تكفي لتجهيز اللاعبين قبل مواجهة بوركينا فاسو في تصفيات كأس العالم.

موضوعات مقترحة

وقال العميد خلال المؤتمر الصحفى لمعسكر منتخب مصر:"مش لاقي لاعبين أضمهم للمنتخب.. ومش لاقي اسم جديد، بروح أشوف مباريات الدوري ومش لاقي حد، وفي الآخر الناس بتقول أنت أخدت مين جديد؟! وماختش دا ليه طيب تعالوا هاتوا أرقام اللاعيبة دي".

وأكمل مدرب منتخب مصر:"معنديش وقت أدرب اللاعبين، والمنتخب يمر بفترة من الإحلال والتجديد، لهذا فإن المنتخب يحتاج لاعبين جاهزين وقادرين على اللعب تحت ضغوط".

وواصل "لو جمعت اللاعبين في موعد الأجندة الدولية، وبالتحديد في الثالث من شهر يونيو القادم، ونلعب يوم 6 وقتها إزاي أقدر أجهز اللاعيبة وأحضرهم لخوض مباريات تصفيات كأس العالم.. أنا بناشد الجميع فكروا معايا أحضر إمتى؟.. مفيش وقت.. عشان كدا بطالب ببدء معسكر المنتخب مبكرًا وقبل موعد الأجندة الدولية المقبلة".

ولختتم تصريحاته قائلاً:"محتاج وقت لتجهيز اللاعبين والروح لوحدها لا تكفي.. 3 أيام فقط مش كافية لتجهيز منتخب مصر.. أنا رايح كأس عالم، مش رايح مركز شباب، وللأسف الناس بتقول طلبات حسام حسن مجابة.. فين دا إللي مجابة؟!".

كلمات البحث
اقرأ أيضًا:
الأكثر قراءة