Close ad

أمير مرتضى: "فكرة الانتماء دي في المدرجات بس .. أما اللاعيبة ده أكل عيش"

30-3-2024 | 00:08
أمير مرتضى  فكرة الانتماء دي في المدرجات بس  أما اللاعيبة ده أكل عيش أمير مرتضى

علق أمير مرتضى، المشرف السابق على الكرة بنادي الزمالك، على فكرة انتماء اللاعبين لبعض الأندية قائلًا: "فكرة الانتماء دي في المدرجات بس، أما مستوى المحترفين واللاعيبة ده بالنسبه له أكل عيش وهيموت نفسه ويجري يبوس التيشيرت، لكن جوه قلبه بيحب مين عمرنا ما نعرف، ومثال كابتن حسام حسن من أساطير الأهلي ولعب في الزمالك واجتهد وكان ساعتها زملكاوي من جواه، لمن اللاعيبة مع الوقت بتنسى قصة الانتماء دي، وإمام عاشورحاليًا يتظاهر أنه أهلاوي، لأنه هيكسب وهياخد مكافأة فا عمره الافتراضي هيطول، ودي حاجة في العالم كله".

موضوعات مقترحة

وقال أمير مرتضى، خلال استضافته ببرنامج "أسرار" مع الإعلامية أميرة بدر المذاع على قناة النهار: "يعني لويس فيجو كان كابتن برشلونة وراح ريال مدريد والجمهور هدده بالقتل، الجمهور بس اللي بيشجع وبيتحرق دمه، ولو جالي الاهلي أو عرضوا عليا مش هروح ولا أقبل، لأن السياسات مش هبقى فاهمها وانتمائي، ومعنديش رؤية غير للزمالك بس، وشيكابالا مضى في الأهلي زمان ومقدرش يلبس التيشيرت، وفيه ناس بتعرف تبقى محترفين أكثر في التعامل".

برنامج "أسرار" تقدمه الإعلامية أميرة بدر على شاشة النهار يومياً خلال شهر رمضان، في الساعة التاسعة والنصف مساءً، تستضيف من خلاله عددا من نجوم الفن والرياضة والسياسة في مصر.

كلمات البحث
اقرأ أيضًا:
الأكثر قراءة