Close ad

علي جمعة: "بلاش وإحنا بندي المرأة حقوقها ندهس الرجالة"

25-3-2024 | 15:08
علي جمعة  بلاش وإحنا بندي المرأة حقوقها ندهس الرجالة الدكتورعلي جمعة
همس عادل

أجاب الدكتور علي جمعة، مفتي الديار المصرية السابق، على سؤال طفلة حول ليه الزوجة مجبرة على طاعة زوجها، وعدم طاعة الست للراجل تأثم عليها ولو هو غير موافق على صيامها يبقى باطل؟.  

موضوعات مقترحة

وقال الدكتور على جمعة، مفتي الديار المصرية السابق، خلال حلقة برنامج "نور الدين"، المذاع على قنوات الشركة المتحدة للخدمات الإعلامية، اليوم الإثنين: "مين اللى قالك الكلام ده أنتم جايبين معلوماتكم منين، وبتقولوا حاجات غريبة جدا الله يكون في عونكم".

وتابع: "إحنا في الحياة الدنيا، أي واحدة ست لها كل الحقوق والخيارات وكل حاجة، وكمان الراجل له كل الحقوق والخيارات وكل حاجة، إلا لما يتدخلوا في الزواج بقوا في شركة وأسرة فيها دوائر متعارضة يجب ترتيبها علشان الحياة تمشى".

وأضاف: "الشرع حرم إجبار الفتاة على الزواج من أي شخص لا تريده، حضرتك كأنثى أنتى حرة، لكن انتى اردتى الزواج علشان في دافع أمومة جواكى وعندك دافع تكوني ربة منزل، ده اختيارك بقى في بني آدم تاني فهو مش كيس جوافة، مش عاوزين واحنا بندى المرأة حقوقها ندهس على الرجالة".

وأوضح: "قائد السفينة في البيت يكون مين لازم يكون حر الحركة، الأستاذة حملت وولدت ونفسه، وتعاين الموت وهى بتخلف، وعندنا إحدى الكاتبات قالت ده كلام سليم وعملت رواية تعترض على ربنا، طيب عاوزين إيه مفيش ربنا، طيب نفيش ربنا هتبقى الدنيا مقلب وسودا".

ونوه: "الشركة لازم في يكون قائد يكون مسئول عن النفقة والرعاية والحماية وستات الأرض كلهم بتحب كده، إنما يحصل أمتى لما يحصل خلاف وتكون عاوزة تمشى اللى فى دماغها، وكل ده محتاج إلى تعديل حتى نصل إلى سعادة الدارين، وابقى وانا بشتغل مبسوط، وساعات مش بنكون منصفين".

 برنامج نور الدين، الذى يعرض على قنوات الشركة المتحدة، يفتح حوارا مع الأطفال والكبار حول تساؤلاتهم حول الدين والله عز وجل، إضافة إلى المشكلات الحياتية التى تواجه عباد الله وكيفية التغلب عليها، ويرد على أسئلة للمرة الأولى على لسان أطفال صغار، دومًا ما يسألوها لأهاليهم الذين يجدون أنفسهم في حيرة من أمثلة فين ربنا، مش بنشوفه ليه، وغيرها من الأمور الذى يقف الآباء أمامها فى حيرة شديدة دون إجابة ما جعل البرنامج محل ترقب سواء للأهالى الذين ينتظرونه لفهم الإجابة الصحيحة، أو الأبناء الذين سيجدون في البرنامج فهمًا لما يحاولوا معرفته ويثبتهم بصورة صحيحة ما يبنى عندهم وعيًا ويقينًا.


ليه عدم طاعة الست للراجل تأثم عليها إذا كانت العلاقة بينهم فيها ودنيا دين؟.. د. علي جمعة يرد
كلمات البحث
اقرأ أيضًا: