Close ad

مها أحمد تنهار من البكاء: عمري ما طلبت لابني فلوس من النقابة ولا معاش.. ومرضه بسبب خطأ طبي

15-3-2024 | 23:59
مها أحمد تنهار من البكاء عمري ما طلبت لابني فلوس من النقابة ولا معاش ومرضه بسبب خطأ طبي مها أحمد

علقت الفنانة مها أحمد علي لأول مرة على مرض نجلها من ذوي الهمم قائلة: "أنا عندي أحمد ابني من ذوي الهمم، وبدخل افك الهدايا اللي بكسبها وأطلعها لذوي الهمم بس مش لازم أقول كده". 

موضوعات مقترحة
 
وقالت مها أحمد خلال استضافتها ببرنامج "أسرار" مع الإعلامية أميرة بدر المذاع على قناة النهار: "أحمد ابني من ذوي الهمم، والسبب في اللي حصله كان دكتور عمل خطأ طبي، ومقاضيتش الدكتور لأنه مش هيرجعلي مخ ابني لأنه نقص أكسجين، والسبب وانا بولد إن الدكتور شده بالشفاط، وبعدها خرجني ولدت في أوضة قيصري، ولو كنت قلت ساعتها عمرهم ما هيقولوا الحقيقة اللي حصلت جوه أوضة العمليات، وهو بالنسبالي الحياة وممكن ربنا يكون عمل كده عشان أدخل الجنة أنا وجوزي من غير ما نتعب في الدنيا".

وأضافت مها أحمد قائلة: "ابني لحد دلوقتي تعبه متعة وراحة بالنسبالي، أنا مش بعيط عشان أحمد كده، ولكن أحمد مالوش ذنب في كده، انا لما كان ابني بيرجّع كنت بدوق الترجيع، عشان طريقة الدوا كده فا بدوق عشان اعرف ده الدوا ولا لأ لان دي سموم".

وتابعت مها أحمد قائلة: "وانا نازلة لازم احكيله ولو ضحك بعرف إن كده الموضوع اللي رياحة اعمله هيمشي، وانا اي مكان بروحه باخده معايا ومجدي جوزي بيروح يشوف مكان مناسب عشان يبقى ينام فيه، واللي الناس متعرفوش انى كل سنة بدخل بيه المستشفى عشان عنده نقص حديد ومحدش يعرف حاجة غير أهلي، وعمري ما طلبت لا من النقابة ولا أي حد فلوس، ولا سعيت إني أجيبله معاش، ولو بتاجر بابني كان زماني في كل بلد شوية".
 
وأضافت مها أحمد قائلة: "هفضل اشتغل ع تيك توك، ولو جالي شغل في منصة هشتغل، وأنا دخلت الجنة وأنا في الدنيا، مش بعيط عشان اللي حصل لابني ولا أنه معيوب، لو من عند ربنا عادي لكن لما يبقى خطأ طبي ده اللي بيزعل، وانا في الجنة هسمع منه ياماما وهجوزه في الجنة وربنا واعدنا في كده، ولكل ام ابنا كده اصبري هتشوفي هيبقى ازاي في الجنة".

برنامج "أسرار" تقدمه الإعلامية أميرة بدر على شاشة النهار يومياً في تمام الساعة التاسعة والنصف مساءً، تستضيف من خلاله عددا من نجوم الفن والرياضة والسياسة في مصر.

كلمات البحث
اقرأ أيضًا: