Close ad

أحمد حسام ميدو: صاحبت ملكة جمال بلجيكا ومراتي أحلى منها

14-3-2024 | 01:59
أحمد حسام ميدو صاحبت ملكة جمال بلجيكا ومراتي أحلى منهاميدو

علق الكابتن أحمد حسام ميدو على تصريحاته الأخيرة بخصوص لعبه للكرة من أجل البنات قائلًا: "حافز لعب الكرة عشان البنات كنت ساعتها صغير وعندى 17 سنة، وكلامي ده كان خلال قصة لأن البنات اللي شفتها هناك حلوين ومش معنى كده اني كنت في مصر واقع يعني".

موضوعات مقترحة

وقال أحمد حسام ميدو خلال استضافته ببرنامج "أسرار" مع الإعلامية أميرة بدر المذاع على قناة النهار: "حلمي اتحقق وصاحبت ملكة جمال بلجيكا، وسبتها لأن حياتنا مختلفة ومحبتهاش بس كانت حلوة، ودلوقتي هي ممثلة مشهورة في بلجيكا، كان مشكلتي على صورها اللي على المجلات، ويسرا مراتي أحلى منها وقمر، وكل ما الوقت بيعدي بحبها اكتر، اي راجل وست عشان يعرفوا يعيشوا محتاجين لغة حوار، مش عيب إن الراجل يعبر عن حبه لمراته والعكس صحيح، مبدأ الرجالة بتاع الست للبيت ده مش عندي، أنا عندي اخرج معاها واسهر ونرقص سوا ونلبس احلى لبس، وقفشتني كتير، واللي بيحللي مشاكلي معاها هي حماتي وأمي".

وأضاف ميدو قائلاً: "الست الجدعة اللي تحافظ وتبقى باقية على بيتها ومش معنى كدة انها تبقى مهزقة، لأن فيه صحاب كتير وحشين أوي، متسمعيش ليهم، وبرامج الستات اللي بتنصح الستات كلهم مطلقات، طيب ماتسبيهم، ليه تنصحيهم وبتخربي بيوتهم، وهما أربع أو خمس ستات بينصحوا الستات كلهم مطلقات متسمعهومش لأن هدفهم مش انتي ولكن شغلها فقط، مفيش ست يبقى عندها شخصية قدام جوزها، لازم يبقى فيه تنازلات من الطرفين.

 

كلمات البحث
اقرأ أيضًا: