Close ad

محمد سامي: محمد رمضان متصنف فتوة الشعبيين زي فريد شوقي

12-3-2024 | 01:24
محمد سامي محمد رمضان متصنف فتوة الشعبيين زي فريد شوقي المخرج محمد سامي
مدحت عاصم

محمد سامي يصدم جمهور جعفر العمدة: كتبت ١٧ حلقة من مسلسل جعفر العمدة 2 ومحبتوش لأني ممكن أقدم غيره وأنجح

موضوعات مقترحة


علق المخرج محمد سامي على نجاحه الدائم مع الفنان محمد رمضان وسبب حبه له والعمل معه.
 

وقال سامي خلال استضافته ببرنامج"اسرار" مع الاعلامية اميرة بدر، المذاع على قناة النهار: "محمد رمضان ممثل مهم وموهبة مهمة، ولكن مهما كان فهو في احتياج لفريق عمل قوي حواليه ومخرج قوي، هو عنده كاريزما لكن مش مسئول عن كل العناصر".

وأضاف سامي: "اشتغلت مع غادة عبد الرازق والسقا وتامر حسني لكن شغل محمد رمضان كان نجاح استثنائي، وده بسبب ان كيميتنا راكبة اوي مع بعض، وبنفهم بعض بالإشارة". 

واستطرد سامي قائلًا: "محمد رمضان طيب ومش بيفكر ينجح مع حد غيري عشان يثبت حاجة معينة لأنه مش بالشر ده، وهو نجم مبالغ في نجوميته وهو عارف إنه ناجح دايماً". 

وأضاف سامي قائلًا: "محمد رمضان متصنف فتوة الشعبيين لأن فريد شوقي فضل كده طول عمره، وأنا ضد تغيير جلد الفنانيين، لأن أحمد زكي فيه حاجات مصدقتوش فيها وأنا أقل من إني أقيمه، لكن الأستاذ عادل إمام هو الأنجح على الإطلاق، وهو البهجة والانبساط ووظف نفسه حلو وعمل كل حاجة". 


كما أضاف سامي عن عمل جزء تاني لجعفر العمدة قائلًا: "جعفر العمدة مالوش إلا جزء، فكرة الجزء التاني فكرة المنتج محمد السعدي وكنا رافضينها أنا ورمضان وكتبت منه ١٧ حلقة محبتوش، لأن ليه أعيد أجزاء وتكرار لما ممكن أعمل حاجة تاني وأنجح بيها". 


برنامج أسرار تقدمه الإعلامية أميرة بدر على شاشة النهار يومياً في تمام الساعة التاسعة مساءً، تستضيف من خلاله عددا من نجوم الفن والرياضة والسياسة في مصر.


https://fb.watch/qLaTV7rQ2_/

كلمات البحث
اقرأ أيضًا:
الأكثر قراءة