Close ad

يُحرم من خدمات الحكومة.. عقوبات جديدة ضد الأب لانقطاع الابن عن المدرسة | خاص

20-11-2022 | 11:02
يُحرم من خدمات الحكومة عقوبات جديدة ضد الأب لانقطاع الابن عن المدرسة | خاصوزارة التربية والتعليم
أحمد حافظ

كشف مصدر مسئول بوزارة التربية والتعليم، عن عقوبات جديدة ستكون ضمن مشروع قانون بتعديل قانون التعليم فيما يخص الغياب والانقطاع عن المدرسة، بالإضافة إلى العقوبات الخاصة بالتسرب التعليمي.

موضوعات مقترحة

كان الدكتور رضا حجازي وزير التربية والتعليم، أعلن عن وجود نية لسن عقوبات صارمة على ولي الأمر الذي يتسرب ابنه من التعليم، مؤكدا أن هناك فارقا بين الغياب والتسرب والانقطاع عن الدراسة، ويجب وضع حد لتلك الظاهرة.

ووفق مصدر مسئول بالوزارة تحدث لـ "بوابة الأهرام"، فإن الوزارة انتهت من مشروع القانون، ويتضمن عقوبات متدرجة، تبدأ بالغياب عن المدرسة لفترة، أو الانقطاع عنها لشهور، أو التسرب بشكل نهائي وترك المدرسة.

وقال المصدر "الغياب أسبوعين متصلين أو 30 يوما منفصلا، دي عقوبة لوحدها، يعني مش هتكون أقل من 300 جنيه، علشان ولي الأمر لازم يعرف إن المدرسة مينفعش ابنه يغيب عنها.. لكن لو جاب عذر مقبول لغياب ابنه، أكيد مش هيدفع حاجة، وهيتشال عنه الغياب طول الفترة دي.. احنا مش بنعمل قانون علشان نجمع فلوس".

أضاف المصدر "العقوبة التانية هتكون خاصة بولي الأمر اللي ابنه بينقطع عن المدرسة 6 شهور، وده في نظر الوزارة انقطاع مش غياب.. وهيكون ليها عقوبة في حدود 500 جنيه، وبرضو هنشيلها لو الطالب رجع المدرسة وانتظم".

ولفت المصدر إلى العقوبة الثالثة، وتخص التسرب من التعليم، أي ترك المدرسة بشكل نهائي، مضيفا "دي هتكون في حدود ألف جنيه، مع عقوبات تانية، يعني مثلا هيكون فيه حرمان من بعض  الخدمات الحكومية.. وبرضو هنشيل العقوبة دي لو الابن رجع المدرسة، اللي يهمنا طلابنا كلهم يرجعوا المدارس، مش هنستفيد حاجة بفرض العقوبات غير كده.. الطلبة ترجع وتتعلم وتاخد حقها في التعليم لأن ده جزء أصيل من حقوق الإنسان".

وسوف تطبق عقوبة التسرب من التعليم، وفق المصدر المسئول بالوزارة، على ولي الأمر الذي بلغ ابنه ثماني سنوات فأكثر، دون أن يلحقه بالمدرسة، مضيفا "هيكون فيه بيانات كاملة بالأطفال دول، وهنعاقب ولي الأمر، وهتتلغي العقوبة لو الابن دخل المدرسة.. مفيش عقوبة هتطبق على حد التزم ورجّع ابنه يتعلم تاني".

كلمات البحث
اقرأ أيضًا:
الأكثر قراءة