ثقافة وفنون

"رحلة من الألم".. تفاصيل الحالة الصحية للروائي الكبير إبراهيم عبد المجيد في سويسرا

5-12-2021 | 18:52
 رحلة من الألم  تفاصيل الحالة الصحية للروائي الكبير إبراهيم عبد المجيد في سويسراإبراهيم عبد المجيد
مصطفى طاهر

كشف الروائي إبراهيم عبد المجيد عن آخر تطورات حالته الصحية بعد العملية الجراحية الدقيقة التي أجراها في زيورخ.

وقال عبدالمجيد، في منشور له عبر صفحته الرسمية على فيسبوك: "بعد كل عملية يكتشفون كسرًا في فقرة تانية في العمود الفقري، أول عملية ١٣ ساعة وكانوا فرحانين بالنتيجة، وبعد يومين اكتشفوا كسرًا في فقرة تحت الفقرات الثلاث اللي عملوا ليهم دعامات، عملت عملية تانية ست ساعات وقالوا خلاص، وبعد خمسة أيام اكتشفوا كسرًا في فقرة تحتيهم عملوا عملية ثلاث ساعات يوم 2 ديسمبر، وبكرة حيعملوا أشعة علشان يطمنوا إن مافيش كسر حصل تاني".

يضيف عبد المجيد : "أنا مش مستوعب اللي بيحصل ومش قادر أفهمه ومرعوب، ولما بسأل ليه ما أدركتوش ضعف الفقرات من بدري يقولوا كل الأشعة كانت بتقول الفقرات تستحمل وماكانش باين أي ضعف على الفقرة الأولى، وانا بقول ياريتني ماسافرت ولا فكرت في علاج وكنت عشت من غير حركة سنة ولا اتنين كمان وجالي زي ماكان متوقع شلل عشت فيه سنة والا اتنين ومت من غير التعب دا كله".

تابع: "أنا دلوقت مش بافكر غير في العودة اعيش مابقي لي نايم علي ظهري في البيت لحد ما ربنا يختارني، مستني بس اقدر اتحرك ولو عشرة متر علي السنادة . مش حاوافق أبدا علي أي عمليات تاني . خلاص مش عايز حاجة من الدنيا بس نفسي ربنا يرضي عني والحياة تخلص بسرعة من غير الألم دا كله. لا عدت فاكر أنا باشتغل أيه ولا كتبت إيه ولا لازمة أي حاجة عملتها إيه".

تابعونا على
كلمات البحث
اقرأ أيضًا:
Advertisements
مواقيت الصلاة
اسعار العملات
درجات الحرارة