ثقافة وفنون

رنا سماحة تعود لزوجها سامر أبو طالب وينتظران مولودهما الأول

23-9-2021 | 15:50
رنا سماحة تعود لزوجها سامر أبو طالب
Advertisements
آيات الأمين

أعلنت مطربة ستار أكاديمي رنا سماحة تصالحها مع زوجها الملحن سامر أبو طالب، ونشرت فيديو عبر تطبيق "إنستجرام"، ظهرا فيه وهما يحتفلان معًا بالصلح وبقرب قدوم مولودهما الأول مالك.

وقالت رنا سماحة: "الحمد لله يا حبيبي ربنا يخلينا لبعض يا رب ويخليك ليا ولمالك يا رب ويبعد عننا أي حاجة وحشة، عشنا فترة صعبة والحمد لله إنها عدت، مفيش بينا أسف يا أبو مالك".

وأضافت: "ربنا ميحرمناش من بعض ويحفظ بيتنا ويكبر ويعمر بوجودك وسطنا".

وكتب سامر أبو طالب قائلًا: "أولا الحمدلله، ثانيًا هقول الكلمتين الجايين دول لأم مالك مراتي وحبيبتي وأم ابني اللي اكتشفت في الفترة اللي فاتت دي إني مقدرش أعيش من غيرها".

وأضاف: "ولا حتى بكون مبسوط في أي حاجة حتى أبسط الأشياء، هي لازم تكون فيها معايا، بحبها أوي بجد يمكن كنت أوقات بعند، بس اكتشفت إني فعلا مينفعش أكون غير ليها".

وعلق: "هي متنفعش تكون غير ليا، آسف لو زعلتك في أي حاجة، وربنا يباركلي فيكي ويحفظنا من كل شر، ويبعد عننا الحسد والحقد، واللي كارهين يشوفونا مرتاحين وهاديين، والحمدلله دائمًا وأبدًا".

واختتم رسالته: "نيجى بقى لبرنس قلبي ابنى وقرة عيني حبيبي وصاحبي وأخويا اللي لسة مشوفتوش مالك، مش هقولك غير إني بحبك، ولما تيجي بالسلامة هقولك حاجات كتير أوي نفسي أقولهالك، ومش هتفارق حضني أبدًا، بحبك يا رنا وبحبك يا مالك، شكرًا للناس اللى كانوا بيكتبولي كلمة حلوة عشان عاوزين يشوفونا تاني مع بعض".


 رنا سماحة تعود لزوجها سامر أبو طالب رنا سماحة تعود لزوجها سامر أبو طالب

 رنا سماحة تعود لزوجها سامر أبو طالب رنا سماحة تعود لزوجها سامر أبو طالب
اقرأ أيضًا:
Advertisements
الأكثر قراءة
Advertisements
مواقيت الصلاة
اسعار العملات
درجات الحرارة