أخبار

الرئيس السيسى: نسعى لتقليل فاتورة الاستيراد وزيادة حجم المنتجات المصرية فى السوق | فيديو

3-8-2021 | 22:45

الرئيس السيسي فى المدينة الصناعية الغذائية سايلو فودز

وسام عبد العليم

قال الرئيس عبد الفتاح السيسى، إنه يسعى لتقليل فاتورة الاستيراد من الخارج، وزيادة حجم المنتجات المصرية فى السوق المصرية.

جاء ذلك خلال تصريحات  الرئيس عبد الفتاح السيسى، لرؤساء تحرير الصحف وعدد من الإعلاميين ومحررى رئاسة الجمهورية خلال جولته بالمدينة الصناعية الغذائية "سايلو فودز" التى تم افتتاحها ، اليوم الثلاثاء،  بمدينة السادات بمحافظة المنوفية.

ودعا الرئيس السيسي،  رجال الأعمال إلى مزيد من الجهد المشترك مع الدولة، مؤكدا إنهم قاطرة تنمية حقيقية.

وتابع الرئيس السيسي قائلا: "المنظومة اللى انتوا شوفتوها دى مكلفتش بسيط.. وماتقدرش تقول للقطاع الخاص تولى الأمر.. لأن قد تكون تكاليفه مش اقتصادية.. لكن هل ده متاح فى كل المشروعات اللى شوفتوها؟!.

وأردف:" دايما بقول كلمة للقطاع الخاص عايز تبقى موجود اتفضل.. لأن إحنا مع بعض بنكمل بعض مش بنافس بعض.. مرحب بالقطاع الخاص وقدرته على الإدارة الجيدة إنه يبقى موجود معانا بأى نسبة هو عايزها.. خش شارك الموضوع أهو".

وأكد الرئيس بالقول: "ده كلام مش إعلامى ده كلام حقيقى والله.. لأن أنا محتاج القطاع الخاص قاطرة تنمية حقيقية للدولة المصرية.. وإحنا بنثق فيهم وبنحترمهم وبندعوهم مش بس هنا فى أى مشاريع أخرى.

وتابع قائلا:" أنا لما التقيت مع رجال الأعمال قلتلهم ياجماعة مزيدا من الجهد المشترك معانا من أجل إن حجم المنتجات إللى بيتم بيعها فى مصر تبقى منتجات مصرية بحيث نقلل فاتورة الاستيراد وتوفر فرص عمل".

لينك الفيديو:

https://fb.watch/79f_lssqnD/


لقاء السيد الرئيس اليوم مع الاعلامين والصحفيين عقب افتتاح سيادته مجمع سايلو فودز الصناعي

مواقيت الصلاة

اسعار العملات

درجات الحرارة