رياضة

محمد إيهاب: "توقعات الجماهير في الأوليمبياد أعلى من المتاح"

25-7-2021 | 01:01

محمد إيهاب

تحدث محمد إيهاب، بطل مصر في رفع الأثقال، عن نتائج المصريين حتى الآن في دورة الألعاب الأوليمبية 2020 المقامة بطوكيو في الوقت الحالي. 

وقال إيهاب في تصريحات لبرنامج "الماتش" الذي يقدمه الإعلامي هاني حتحوت عبر شاشة "صدى البلد": "فيه فئة كبيرة من اللاعبين مسافرة في الأوليمبياد ومالهاش تصنيفات عالمية، وفيه لعيبة عندها طموحات إننا ناخد ميداليات وهؤلاء مستنيين منهم ميداليات".

وتابع "الناس توقعاتها أعلى من المتاح، اللي بيحصل ده اغتيال معنوي للاعبين، الخطط موضوعة ومعروف هل اللعبة دي هتنافس ولا لا وآخرها مشاركة".

وواصل إيهاب: "بننفق فلوسا كتيرة جدًا لكن إحنا بنزرع في كل الأراضي، عندك ألعاب كتيرة محتاجة الدعم متقدرش تحرمها من المشاركة، لكن فيه عدة ألعاب معينة محتاجة تركيز زيادة علشان تاخد ميداليات".

واختتم اللاعب تصريحاته "كان ممكن يكون فيه بطل دلوقتي، ويوصل في فرنسا لميدالية، لكن تعليقات الناس ممكن تغتاله وتمنعه من استكمال مشواره وتخليه يكره الرياضة، اللاعب هيحاسب نفسه قبل ما حد يحاسبه".

مواقيت الصلاة

اسعار العملات

درجات الحرارة