سوشيال ميديا وفضائيات

أحمد العوضي يُعلق على نجاح مسلسل "اللي مالوش كبير"

11-5-2021 | 02:48

الفنان أحمد العوضي

سارة إمبابي

علق الفنان أحمد العوضي، على نجاح مسلسله "اللي مالوش كبير" في شخصية "سيف الخديو" وحب الناس للشخصية رغم كونها تعكس شخصية بلطجي قائلاً: "ده كرم من ربنا إني عملت الشخصية دي والناس حبتها.. وأنا دائماً لما بعمل شخصية بحاول أعملها بطريقة معينة تكون أقرب للحقيقي".

تابع العوضي، في مداخلة هاتفية خلال برنامج "كلمة أخيرة" الذي تقدمه الاعلامية لميس الحديدي على شاشة "إكسترا نيوز" قائلاً: "أنا أصلاً من منطقة شعبية والناس عارفة كده وتعاملت مع صنوف مختلفة من شخصيات البشر ولحد النهارده وأنا دائماً ببقى موجود في الشارع ومحتك بالناس ومش منعزل فقابلت أنواع مختلفة من البشر".

أكمل: "عشان كده أنا بقول إن شخصية سيف الخديو موجودة بالفعل "الكاركاتر" على بعضه بطريقة كلامه بخواتمه وحركات إيده شخصية موجودة بالفعل في الشارع.. المجهود بقى الي الواحد بيبذله في الشخصية أنه يصنع ليها كلام أو جمل يخليها عالقة في أذهان الجماهير وده شغل الممثل".

وحول جمل "وحش الكون" و"على الله حكايتك ياست"، قال العوضي: "من أول مسلسل "كلبش" قلت فيها جملة "من أجلك أنت" الناس أخدتها مني مما جعله دارجاً في الشارع دلوقتي بقى أنا بعمل العكس يعني بخلي الناس هيا اللي تاخد من عوضي".

وأبدت الحديدي إعجابها بجملة "ياقطر جيلك" ليرد العوضي قائلاً: "الجمل هي الي عملت طعم الشخصية اللى الناس شافتها والجهد في خلق الجمل هو جهد الممثل".

وحول خطورة تعلق وحب الجمهور لشخصية البلطجي قال العوضي: "لسه هشنوف اللي هيحصل ومش هحرق الأحداث".

وحول تقديم النمط الجديد لشخصية البلطجي قال: "سيف الخديو متعب في الكلام لأن الجمل مش مهروسة ومش متقاله قبل كده".

مواقيت الصلاة

اسعار العملات

درجات الحرارة